هه‌وڵه‌كانی توركیا بۆ شكاندنی ئاگربه‌ست لەلایەن قەررەباغەوە سەرکۆنە دەکرێت

0
262

SNN

وه‌زاره‌تی ده‌ره‌وه‌ی هه‌رێمی ناگۆڕنۆ قەرەباغ رایگەیاند: سەركۆنەی هه‌وڵه‌كانی توركیای دەکەین بۆ شكاندنی ئاگربه‌ستی نێوان ئه‌رمینیا و ئازه‌ربایجان.

شوشان ستیپان، وته‌بێژی وه‌زاره‌تی به‌رگری ئه‌رمینیا رایگەیاند، هێزه‌كانی سه‌ر به سوپای ئازه‌ربایجان له‌ به‌شی باشووری سنووری وڵاته‌كه‌یان هێرشی مووشه‌كیان ئه‌نجامداوه‌ و ئاگر به‌ستیان پێشێلكردووه‌.

ئاراییك هاروتیان، سه‌رۆكی هه‌رێمی ناگۆڕنۆ قەرەباغ وتی: “ناوچه‌كه‌مان خاوه‌نی مێژوو و جوگرافییه‌كی تایبه‌ت به‌خۆیه‌تی، كه‌ له‌لایه‌ن رۆڵه‌كانی ئه‌م خاكه‌وه‌ به‌ڕێوه‌براوه”، ره‌تیشیكردەوە، به‌ داواكه‌ی ئازه‌ربایجان سه‌باره‌ت به‌ لكاندنیان به‌ خاكی ئه‌و وڵاته‌وه‌ رازی ببن.

ئاماژەی بەوەشکرد: ئێمه‌ پێشنیازی شه‌ڕ ناكه‌ین و شه‌ڕمان ناوێت، به‌ڵام ئه‌گه‌ر بڕیار هه‌ر ئه‌مه‌ بێت ئێمه‌ ئاماده‌ین بۆ شه‌ڕێكی درێژخایه‌ن.

دوای ته‌نیا یه‌ك رۆژ له‌ راگه‌یاندنی ئاگربه‌ست له‌نێوان ئه‌رمینیا و ئازه‌ربایجان به‌ نێوه‌ندگیری مۆسكۆ، هه‌ردوو لا یه‌كتریان به‌ پێشێلكردنی ئاگربه‌ست تۆمه‌تباركرد و سه‌رانی ئازه‌ربایجانیش رایانگه‌یاند، به‌هۆی بۆردومانه‌كانی ئه‌رمینیا بۆ سه‌ر شاری گۆنجه‌ی، كە دووه‌م گه‌وره‌ شاری ئازه‌ربایجانە، بەلایەنی كه‌م حه‌وت كه‌س گیانیان له‌ده‌ستداوه‌ .

بەشی بکە لە
Previous Next
Close
Test Caption
Test Description goes like this