به‌ریتانیا رێكاره‌كانى رووبه‌ڕووبوونه‌وه‌ى كۆرۆنا تووندتر ده‌كاته‌وه‌

0
365
بۆریس جۆنسن، سه‌رۆكوه‌زیرانى به‌ریتانیا | فۆتۆ: CNN

SNN
هه‌رچه‌نده‌ ته‌نیا له‌ ماوه‌ى 24 كاتژمێرى رابردوودا 14 هه‌زار حاڵه‌تى نوێى تووشبوون به‌ كۆرۆنا له‌ به‌ریتانیا تۆماركران، به‌ڵام سه‌رۆكوه‌زیرانى ئه‌و وڵاته‌ رایده‌گه‌یه‌نێت: قه‌ده‌غه‌ى هاتووچۆ راناگه‌یه‌نین.

ئه‌مڕۆ دووشه‌ممه‌ وه‌زاره‌تى ته‌ندروستیى به‌ریتانیا ئامارى 24 كاتژمێرى رابردووى تووشبوون به‌ ڤایرۆسى كۆرۆناى بڵاوكرده‌وه‌ و رایگه‌یاند: “14 هه‌زار كه‌سى تر تووشى كۆرۆنا بوون”.

دواتر بۆریس جۆنسن، سه‌رۆكوه‌زیرانى به‌ریتانیا له‌ وتارێكدا كه‌ به‌ بۆنه‌ى راگه‌یاندنى پلانى نوێى رووبه‌ڕووبوونه‌وه‌ى كۆرۆنا له‌ وڵاته‌كه‌یدا پێشكه‌شیكرد رایگه‌یاند: “بڕیارمانداوه‌ قه‌ده‌غه‌ى هاتووچۆى ناوخۆى رابگه‌یه‌نین، به‌شێك له‌ بازرگانییه‌كان دابخه‌ین، ده‌رگاى رێستۆرانت و هۆڵه‌كانى له‌شجوانى و چه‌ند شوێنێكى تریش ئه‌گه‌رى هه‌یه‌ دایبخه‌ین”.

سه‌رۆكوه‌زیرانى به‌ریتانیا له‌باره‌ى راگه‌یاندنى قه‌ده‌غه‌ى هاتووچۆى ته‌واوه‌تى وتیشى: “ئێمه‌ ئاماده‌نین جارێكى تر قه‌ده‌غه‌ى هاتووچۆى ته‌واوه‌تى رابگه‌یه‌نین، یان ده‌رگاى قوتابخانه‌كان دابخه‌ین، چونكه‌ ئه‌وه‌ زیان به‌ ئابوورییه‌كه‌مان و پرۆسه‌ى خوێندنیش ده‌گه‌یه‌نێت”.

له‌ كۆتایی قسه‌كانیدا سه‌رۆكوه‌زیرانى به‌ریتانیا ئه‌وه‌شى خسته‌ڕوو: “چه‌ند ناوچه‌یه‌ك هه‌یه‌ كه‌ گاریگه‌رى و بڵاوبوونه‌وه‌ى ڤایرۆسه‌كه‌ تێیدا زیاتره‌ له‌به‌ر ئه‌وه‌ رێكاره‌كان له‌و ناوچانه‌ تووندتر ده‌كه‌ینه‌وه‌”.

 

بەشی بکە لە
Previous Next
Close
Test Caption
Test Description goes like this