لە سنووری ئیدارەی ڕاپەڕین 63 پڕۆژەی خزمەتگوزاری وەستاوە

0
241
SNN-محەمەد مستەفا
بە گوێرەی بەدواداچوونەکانی SNN دوای سەرهەڵدانی قەیرانی دارایی لە هەرێم، تەنیا لە سنووری ئیدارەی راپەڕین 63 پرۆژەی ستراتیژی و خزمەتگوزاری جۆراوجۆر کارکردن تێیاندا وەستاوە کە بۆ تەواو کردنیان پێویستیان بە نزیکەی 100 ملیار دینارە .
پڕۆژەی نەخۆشخانەی 291 قەرەوێڵەی ڕانیە و پڕۆژەی جوتسایدی رانیە ـ دووکان و پڕۆژەی ئاوی دەربەندی رانیە و جوتسایدی ناوبازاڕی ڕانیە، شەقامی 60 مەتری قەڵادزێ و بە نێودەوڵەتی کردنی مەرزی کێلێ و نۆژەنکردنەوەی رێگا و بانەکان و دروستکردنی خوێندنگا ئەمانە گرنگترین ئەو پڕۆژانەن کە چەندین ساڵە لە ئیدارەی ڕاپەڕین پشتگوێ خراون .
هەموو ئەو پڕۆژانەی کە ئاماژەیان پێکراوە ماوەی 6 بۆ 8 ساڵە کارکردن تێیاندا وەستاوه و بەهۆی تێپەڕبوونی ئەو کاتە زۆرەش بەسەریاندا بەشێک لەو پڕۆژانە ئەوەشی کە جێبەجێکراوە دووبارە پێویستی بە نۆژەنکردنەوە هەیە.
هەرچەندە هاوڵاتیانی ئیدارەی راپەڕین چاوەڕێ بوون لەگەڵ هاتنی سەرۆکی حکومەتی هەرێم بۆ ئیدارەی راپەڕین بڕیار لە دەستپێکردنەوەی پڕۆژەی نەخۆشخانەی 291 قەرەوێڵەی ڕانیە بدات کە ماوەی 8 ساڵە کارکردن تێیدا وەستاوە بەڵام سەرۆکی حکومەت لە میانەی سەردانەکەی بۆ ئیدارەی راپەڕین هیچ ئاماژەیەکی بەو پڕۆژەیە نەدا .
بەشی بکە لە
Previous Next
Close
Test Caption
Test Description goes like this