نوێترین زانیاری لەبارەی بەگەڕخستنی كامێرا جێگیرەكانی ناو سلێمانی

0
147

SNN-عەلی حەمە سەعید

بەڕێوەبەری بەشی ئایتی و كامێراكانی هاتووچۆ لە بەڕێوەبەرایەتی هاتووچۆی پارێزگای سلێمانی ئاشكرایكرد لەڕێگەی لیژنەیەكی تەكنیكی و پسپۆڕەوە دەستمان كردووە بە تێستكردنی كامێرا جێگیرەكانی هاتووچۆی ناوشار ئەگەر بزانین هیچ گرفتێكیان نییە ئەوا لە چەند ڕۆژی داهاتوودا بە فەرمی شۆفێران ئاگادار دەكەینەوە لە كار پێكردنیان.

موقەدەم ئاكام عەلی، بەڕێوەبەری بەشی ئایتی و كامێرا لە بەڕێوەبەرایەتی هاتووچۆی سلێمانی بە SNNی ڕاگەیاند: هەموو ئامادەكارییەك بۆ بەگەڕخستنی كامێرا جێگیرەكانی ناوسەنتەری شاری سلێمانی تەواو بوون و لە ئێستادا لیژنەیەكی پسپۆڕو تەكنیكی لە بەڕێوەبەرایەتی هاتووچۆ ڕۆژانە سەرقاڵی پشكنین و كارپێكدرنی ئەو كامێرایانەن بۆ ئەوەی بە شێوەی تێست بخرێنە كارو دواتر هەڵسەنگاندنیان بۆ بكرێت.

ئاماژەی بەوەشكرد، لیژنەكەمان بە هەماهەنگی لەگەڵ كۆمپانیایەكی تایبەتمەند بڕیاردەدەن ئاخۆ ئەو كامێرایانە هیچ گرفتێكیان نییە و دەكرێت بخرێنە كار یاخود نا، چونكە تا ئێستا كە ئەو كامێرایانە كاریان پێنەكراوە كێشەی تەكنیكی و نەبوونی كارەبایان هەبووە، بۆیە ئەگەر بزانین ئەو كێشانە هەر بەردەوامییان دەبێت ئێمە بۆ ڕای گشتی بڵاو دەكەینەوە.

بەڕێوەبەری بەشی ئایتی و كامێرا لە بەڕێوەبەرایەتی هاتووچۆی سلێمانی، ئەوەشی خستەڕوو، ژمارەی كامێرا جێگیرەكانی هاتووچۆ پێكدێن لە 21 كامێرا و 31 بۆكس، لە حاڵەتی بە گەڕخستنیشان بە شەودا بە فلاشێك شۆفێر ئاگادار دەكاتەوە بەڵام بە ڕۆژدا هیچ ئاگاداركردنەوەیەكی نییە، بۆیە بە شێوەیەكی گشتی لەم چەند ڕۆژەدا كارەكانی ئەو لیژنەیە كۆتایی دێت و ئێمەش شۆفێران لە كارپێكردنییان ئاگادار دەكەینەوە.

بەشی بکە لە
Previous Next
Close
Test Caption
Test Description goes like this