17 یانه‌ی پارێزگای دیالە له لێواری هه‌ره‌سهێنانی گشتیدان
خولی عێراقی
SNN Sport
له‌تیف ته‌میمی سه‌رۆكی یانه‌ی شاره‌بان دووپاتی كرده‌وه كه 17 یانه‌ی وەرزشی پارێزگای دیالە گه‌یشتوونه‌تە لێواری هه‌ره‌سهێنانی گشتی.
ته‌میمی له لێدوانیكیدا کە میدیا عێراقییەکان بڵاویانکردووەتەوە وتی:” پارێزگای دیالە 17 یانه‌ی ورزشی تێدایه ، له دۆخێكی كاره‌ساتباردا گوزه‌ر ده‌كه‌ن به هۆی نەبوونی پاڵپشتی حكومی ، به شێوه‌یه‌ك ئه‌سته‌مه به‌شداری بكەن له پاڵه‌وانێتییه ناوه‌ندییه‌كان و ناوخۆییه‌كان ، به‌هۆی بێ تواناییان له دابینكردنی ئامرازه‌كانی گواستنه‌وه و پاڵپشتی تر”.
ئاماژه‌ی بۆ ئه‌وەش كرد:” جێی نیگه‌رانییه وه‌رزشی خانمان له شاره‌كه مردووەو ئه‌و توانایانه‌ی ماو‌ن ده‌ستیانكردووه به كۆچكردن بۆ یانه‌كانی به‌غداد و شاره‌كانی تر ، دۆخی وه‌رزش زۆر قورسه و هیچ پاڵپشتی راسته‌قینه نیه ، سه‌رباری ئه‌وه‌ی كه وه‌رزش په‌یامی ئاشتی گه‌وره‌یه و به‌هره‌ی وه‌رزشی له سه‌ر یارییه‌كاندا هه‌یه ، رێگایەک نادۆزرێته‌وه بۆ نێوبانگی و نوێنه‌رایه‌تیكردنی وڵات له نێوه‌نده نێوده‌وڵه‌تییه‌كان”.
پەرەپێدراوە و دروستکراوە