پەرلەمانتارێکی عێراق: رێککەوتنەکەی شنگال بۆ رازیکردنی چەند دەوڵەتێکی دیاریکراوە

0
230
وێنه‌یه‌كى كۆبوونه‌وه‌كه‌ى وه‌فدى هه‌رێم و مسته‌فا كازمى، سه‌رۆكوه‌زیرانى عێراق بۆ ئه‌نجامدانى رێككه‌وتنى شنگال | فۆتۆ: SNN

SNN
پەرلەمانتارێکی لیژنەی ئاسایش و بەرگری عێراق دەڵێت: “ئەو رێککەوتنەی لە نێوان حکومەتی هەرێمی کوردستان و ناوەنددا کرا بۆ ئاساییکردنەوەی دۆخی شنگال، مەبەست لێی رازیکردنی دڵی دەوڵەتێک بووە و پلانگێڕیی بووە”.

مەهدی تەقی ئەمڕۆ چوارشەممە رایگەیاند “رێککەوتنەکەی هەولێر و بەغدا و گۆڕینی یەکە سەربازییەکانی ناو شنگال، بابەتێکی سەیرە و نابێت بەسەر پەرلەماندا تێبپەڕێت”.

وتیشی: “مەبەست لە مۆرکردنی ئەو رێككەوتنە بۆ رازیکردنی دڵی چەند وڵاتێکە و پیلانێکە کە وڵات بۆ چوارگۆشەی سەرەتا دەگێڕێتەوە و کێشەی بەدواوە دەبێت”.

بەپێی راگەیێندراوێکی هاوبەشی حکومەتی عێراق و هەرێمی کوردستان کە ڕۆژی شەممە 10-10-2020 بڵاو کراوەتەوە و واژووی حەمید رەشید فەلیح، نوێنەری حکومەتی عێراق و رێبەر ئەحمەد، نوێنەری حکومەتی هەرێمی کوردستانی لەسەرە تێیدا هاتووە: لەپێناو گەڕاندنەوەی ئاسایش و سەقامگیری و ئاساییکردنەوەی دۆخی شارۆچکەی شنگال و بە گوێرەی بنەما دەستووری و یاساییەکان بۆ چارەسەرکردنی کۆژانەکانی خەڵکی شنگال وەک دەستپێشخەرییەک بۆ گەڕانەوەی ئاوارەکان و رێکخستنی چوارچێوەی کارگێڕی و ئەمنی لە شارۆچکەکە، حکومەتی فیدراڵی و حکومەتی هەرێمی کوردستان بە هاوئاهەنگی لەگەڵ نوێنەری نەتەوە یەکگرتووەکان رێککەوتن.

بەشی بکە لە
Previous Next
Close
Test Caption
Test Description goes like this