ژماره‌ى تووشبووانى كۆرۆنا له‌ جیهان دا 4 ملیۆن كه‌سى تێپه‌ڕاند

0
249
خانمێك له‌ ئه‌مریكا | فۆتۆ: Eduardo Munoz

ئه‌مڕۆ شه‌ممه‌ ژماره‌ى تووشبووانى ڤایرۆسى كۆرۆنا له‌ جیهان دا چوار ملیۆن كه‌سى تێپه‌ڕاند و ویلایه‌ته‌ یه‌كگرتووه‌كانى ئه‌مریكاش پێشه‌نگى وڵاتانى جیهان-ه‌ له‌ڕووى به‌رزى ئاماره‌كانى تووشبوون به‌و ڤایرۆسه‌.

به‌گوێره‌ى داتاكان، تا ئێستا 4 ملیۆن و هه‌زار و 136 كه‌س له‌ جیهان دا تووشى كۆرۆنا بوون، له‌و رێژه‌یه‌ش، 275 هه‌زار و 399 كه‌س به‌ ڤایرۆسه‌كه‌ گیانیان له‌ده‌ستداوه‌، هاوكات ملیۆنێك و 375 هه‌زار و 984 كه‌س چاكبوونه‌ته‌وه‌.

هه‌رچه‌نده‌ دۆناڵد تره‌مپ، سه‌رۆكى ئه‌مریكا گه‌شبینه‌ به‌ داهاتووى وڵاته‌كه‌ى و به‌رده‌وام له‌ كۆنگره‌ رۆژنامه‌وانیه‌كانیدا جه‌خت له‌سه‌ر ئه‌وه‌ ده‌كاته‌وه‌ كه‌ “ئه‌مریكا ئه‌و دۆخه‌ى تێیكه‌وتووه‌ تێده‌په‌ڕێنێت و له‌ڕووى ئابووریه‌وه‌ ده‌بوژێته‌وه‌”، به‌ڵام هێشتاش ئه‌مریكا پێشه‌نگى جیهانه‌ له‌ ئاماره‌كانى كۆرۆنادا.

تا ئێستا ملیۆنێك و 318 هه‌زار و 526 كه‌س له‌ ئه‌مریكا تووشى ڤایرۆسه‌كه‌ بوون، له‌و رێژه‌یه‌ش 78 هه‌زار و 494 كه‌س به‌ كۆرۆنا گیانیان له‌ده‌ستداوه‌.

له‌دواى ئه‌مریكا-ش ئیسپانیا دێت كه‌ تا ئێستا 260 هه‌زار و 117 كه‌س تووشى ڤایرۆسه‌كه‌ بوون، له‌ به‌رامبه‌ردا 26 هه‌زار و 299 كه‌س به‌ ڤایرۆسه‌كه‌ گیانیان له‌ده‌ستداوه‌.

بەشی بکە لە
تاگەکانكۆرۆنا
Previous Next
Close
Test Caption
Test Description goes like this