ترەمپ و بایدن وەڵامی چەندین پرسیاری سەخت دەدەنەوە

0
162

SNN

دۆناڵد ترەمپ و جۆو بایدن رکابەرە سەرەکییەکانی هەڵبژاردنی سەرۆکایەتی ئەمریکا، بە جیا لە دوو کەناڵی ئەمریکییەوە وەڵامی چەندین پرسیاری سەخت دەدەنەوە.

ترەمپ لە مایامی فلۆریداوە، کاتژمێر سێی بەرەبەیان بە کاتی کوردستان بەشداری چاوپێکەوتنێکی تەلەفزیۆنی دەکات لە کەناڵی ئێن بی سی ئەمریکی و ژمارەیەک پرسیاری پەیوەندیدار بە سیاسەتی ناوخۆ و دەرەوەی ئەمریکا بۆ دیاریکراوە کە رووبەڕوویان دەبێتەوە.

لەلایەکی دیکەوە و لەهەمان کاتدا، جۆو بایدن، لە فیلادەڵفیای پەنسلڤانیاوە چاوپێکەوتنێک لەگەڵ کەناڵی ئەی بی سی ئەمریکی سازدەکات کە هاوشێوەی چاوپێکەوتنەکەی ترەمپ دەبێت.

کەناڵی ئێن بی سی ئەمریکی، رەخنەی زۆری لێگیرا سەبارەت بەوەی کاتی ئەنجامدانی چاوپێکەوتنەکەی ترەمپی خستووەتە هەمان کاتی چاوپێکەوتنەکەی بایدن و بینەران ناچاردەکرێن یەکێکیان هەڵبژێرن بۆ تەماشاکردنی.

ئەم چاوپێکەوتنانە دەبێتە جێگرەوەیەک بۆ دیبەیتی دووەم کە بەهۆی تووشبوونی ترەمپ بە کۆرۆنا گرفتی تێکەوت.

لە دیبەیتەکەی یەکەمدا بەهۆی تێکهەڵچوون و هێرشکردنەسەر یەکتری، هەردوو ترەمپ و بایدن لەلایەن چاودێرانەوە رەخنەیەکی زۆریان لێگیرا و بە یەکێک لە خراپترین دیبەیت لە مێژووی هەڵبژاردنی سەرۆکایەتی ئەمریکا ناوبرا.

بەشی بکە لە
Previous Next
Close
Test Caption
Test Description goes like this