كاره‌بای نیشتمانی دوو بۆ سێ كاتژمێر كه‌مده‌كات

0
198

SNN- هه‌ڵكه‌وت سه‌روه‌ت

به‌هۆی چاكسازی و کاری چاككردنه‌وه‌ لەلایەن كۆمپانیای دانا غازەوە له‌ كێڵگه‌كانی كۆرمۆر، ‌به‌رهەمهێنانی 800 مێگاوات کارەبا له‌ هه‌رێمی كوردستان كه‌مده‌كات.

ئومێد محەمەد وته‌بێژی وه‌زاره‌تی كاره‌بای هه‌رێمی كوردستان بۆ SNN رایگه‌یاند: كۆمپانیای دانا غاز كاری چاككردنه‌وه‌ و چاكسازی له‌ كێلگه‌كانی كۆرمۆر ده‌كات و ماوه‌ی هه‌شت كاتژمێر ده‌خایه‌نێت، به‌و هۆیه‌شه‌وه‌ سبه‌ی یەکشەممە دوو بۆ سێ كاتژمێر كاره‌بای نیشتمانی كه‌مده‌بێته‌وه‌.

وته‌بێژه‌كه‌ی وه‌زاره‌ت باسی له‌وه‌شكرد: كاری چاككردنه‌وه‌ی كێڵگه‌كان له‌لایه‌ن دانا غازه‌وه‌ ده‌بوو له‌ وه‌رزی هاویندا بكرایه‌، به‌ڵام به‌هۆی گه‌رمای ئه‌و وه‌رزه‌وه‌ دواخرابوو بۆ وه‌رزی پایز.

سەبارەت بە بوونی چەند پەیج و ئەکاونتێکی ساختەش کە هەواڵی ناڕاست لەبارەی پرسی کارەباوە بڵاودەکەنەوە، ئومێد محەمەد وتی: “وه‌زاره‌ت ته‌نها له ‌رێگه‌ی راگه‌یەنراوی خۆی و له‌ په‌یجی تایبه‌ت به‌ وه‌زاره‌ت و لێدوانی تایبه‌ت زانیارییه‌كان بڵاوده‌كاته‌وه‌ و لێپێچینه‌وه‌ش له‌و په‌یجانه‌ ده‌كات كه‌ به‌ناوی وه‌زاره‌ته‌وه‌ هه‌واڵی ناڕاست ده‌گه‌یه‌ننه‌ هاووڵاتییان”.

بەشی بکە لە
Previous Next
Close
Test Caption
Test Description goes like this