حکومەتی هەرێم لەبارەی سوتانی بارەگای پارتی راگەیەندراوێکی بڵاوکردەوە

0
1007

SNN

حكومەتی هەرێمی كوردستان راگەیەندراوێکی لەبارەی سوتانی بارەگای پارتی دیموکراتی کوردستان لە بەغدا بڵاوکردەوە، و بە تووندى ئیدانەی ئەو کارەیکرد.

لە راگەیەندراوەکەی حکومەتی هەرێم لەبارەی سووتانی لقی پارتی لە بەغدا هاتووە: “هەر جۆرە هێرش و دەستدرێژییەك لە لایەن هەر كەس و گرووپێكەوە بۆ سەر سیمبولەكانی هەرێمی كوردستان و حزبە سیاسییەكانی جێگەی قبووڵكردن نییە”.

دەقی راگەیەندراوەکە:

حكومەتی هەرێمی كوردستان بە تووندى سووتاندنی ئاڵای كوردستان و هێرشی سەر بارەگای پارتی دیموکراتی کوردستان لە بەغدا شەرمەزار دەكات.

هەر جۆرە هێرش و دەستدرێژییەك لە لایەن هەر كەس و گرووپێكەوە بۆ سەر سیمبۆلەكانی هەرێمی كوردستان و حزبە سیاسییەكانی جێگەی قبووڵكردن نییە.

پێویستە حكومەتی فیدراڵ رێوشوێنی پێویست بۆ پاراستنی بارەگای حزبەكان و نوێنەرایەتیی وڵاتانی بیانی لە بەغدا وهەر شارێکی دیکە لە هێرشی هەر گرووپێکی لە یاسا دەرچوو بگرێتەبەر.

حكومەتی هەرێمی كوردستان بە مافی خۆی دەزانێت هەموو رێوشوێنێكی یاسایی و رێگەپێدراو بۆ پاراستنی هاووڵاتییان و دەستكەوتەكانی و ڕێزگرتن لە ئاڵای كوردستان بگرێتەبەر.

داوا لە حكومەتی فیدراڵ دەكەین، رێوشوێنی یاسایی بگرێتەبەر وهێرشکاران بە سزای خۆیان بگەیەنن تا ئەم جۆرە کردەوە دزێوانە دووبارە نەبنەوە.

حكومەتی هەرێمی كوردستان 2020/10/17

بەشی بکە لە
Previous Next
Close
Test Caption
Test Description goes like this