کازمی لەگەڵ ئه‌نجوومه‌نی ئاسایشی نیشتمانی عێراق کۆبوونەوەیەکی بەپەلەیان رێکخست

0
176

SNN

لە راگەیەندراوێکدا نووسینگه‌ی میدیایی مسته‌فا كازی سه‌رۆكوه‌زیرانی عێراق کە سه‌رۆكایه‌تی كۆبوونه‌وه‌یه‌كی به‌په‌له‌ی ئه‌نجوومه‌نی وه‌زاری بۆ ئاسایشی نیشتمانی کرد، باس لە دواین گۆرانکارییەکان و پێشهاتە ئەمنییەکانی ناوچەکەیان کرا.

لە راگەیەندراوەکەدا هاتووە “ئه‌نجوومه‌ن رووداوی هێرشكردنه‌ سه‌ر باره‌گای پارتی دیموكراتی كوردستانی له‌ به‌غدا له‌لایه‌ن ژماره‌یه‌ك له‌و خۆپیشانده‌رانه‌وه‌ تاوتوێ كرا، كه‌ پێشێلی بنه‌مای ئاشتیانه‌ی خۆپیشاندانه‌كانیان كرد و په‌نایان بۆ توندوتیژی و سووتاندنی باره‌گاكه‌ برد، ئه‌نجوومه‌ن ئه‌و كارەی ئیدانه‌ كرد و بڕیاریدا به‌ سه‌رۆكایه‌تی راویژكاری ئاسایشی نیشتمانی لێكۆڵینه‌وه‌ له‌و رووداوه‌ بکرێت، لێكۆڵینه‌وه‌كه‌ش‌ خۆی له‌ گه‌ڕان هۆكاره‌كانی هێرشه‌كه‌ و هه‌ڵسه‌نگاندنی رۆڵی هێزه‌ ئه‌منییه‌ به‌رپرسه‌كان له‌ پارێزگاریكردن له‌ باره‌گاكه‌ و ده‌وروبه‌ریدا ده‌بینێته‌وه‌، وێڕای هه‌وڵدان بۆ ده‌ستگیركردنی هه‌موو ئه‌وانه‌ی له‌و هێرشه‌دا تێوه‌گلاون و تا ئێستاش 15 كه‌س به‌و تۆمه‌ته‌ ده‌ستگیركراون”.

ئاماژە بەوەشکراوە: ئه‌نجوومه‌نی ئاسایشی نیشتمانی به‌ توندی ئه‌و هێرش و په‌لاماردانه‌‌ ئیدانه‌ ده‌كات”، دووپاتیش ده‌كاته‌وه‌، حكومه‌ت هه‌موو رێكاره‌كان به‌رامبه‌ر ئه‌و كه‌سانه‌ ده‌گرێته‌به‌ر، كه‌ هه‌وڵ ده‌ده‌ن هه‌یبه‌تی ده‌وڵه‌ت و ده‌سه‌ڵاتی یاسا بشكێنن”.

بەشی بکە لە
Previous Next
Close
Test Caption
Test Description goes like this