بە چاندنی نەمام یادی هونەرمەندێکی میللی دەکرێتەوە

0
58

SNN-بڕیار محەمەد 

ماوەیەکە لە هەرێمی کوردستان، نەریتێکی نوێ پەیدابووە کە ئەویش چاندنی نەمامە بۆ یادکردنەوەی کەسایەتییە دیارەکان، هەندیک جاریش هاووڵاتییان بۆ یادکردنەوەی کەسێکیان کە کۆچی دوایی کردووە، نەمام دەچێنن.

لەو چوارچێوەیەدا ئەمڕۆ بەڕێوەبەرایەتی گشتی ڕۆشنبیری و هونەری هەولێر بەشی کەلەپوور و هونەرە میللیەکان بەھاوئاھەنگی ناوەندی حەیرانبێژان، نەمام چێندرا بۆ یادی کۆچی دوایی ڕەسووڵ گەردی حەیرانبێژی دیاری هەولێر کردەوە.

لە رێوڕەسمەکەدا فەرسەت سۆفی، پارێزگاری هەولێر، لەوتارێکدا ڕایگەیاند: “خۆشحاڵین ئەمڕۆ بە ئامادەبوونی ئەو هونەرمەندە بەڕیزانە، بەشدارین لە مەراسيمی یادی 26 ساڵەی کۆچی دوایی حەیرانبێژ و هونەرمەندی مەزنی شارەکەمان مامۆستا ڕەسوڵ بێزار گەردی”.

وتیشی: “دیارە لای هەمووان حەیران بەشێکی گرنگە لە کەللتوری کوردەواری و بۆتە بەشێک لەشاری هەولێر و هەولێریش بەشێک لەحەیران، لەنێو هەموو شارەکانی کوردستانیش هەولێری پایتەخت بەم هونەرە مەزنە دەناسرێتەوە، بۆیە ئەمڕۆ بەشانازییەوە یادی کەڵە هونەرمەندێکی حەیرانبێژی شارەکەمان دەکەینەوە، ئەگەرچی شایەنی زۆر لەوە زیاترە کە بۆی بکرێت، چونکە هەموو تەمەنی خۆی بۆ خزمەتی حەیرانی و هونەری کوردی تەرخانکردبوو”.

ئەمە یەکەمجار نییە نەمام بۆ یادکردنەوەی کەسێک بەکاردەهێنرێت، پێشتریش SNN چیرۆکی گەنجێکی بڵاوکردەوە کە زیاتر لە حەوت هەزار نەمام دەچێنێت، بۆ یادکردنەوەی رۆژانی تەمەنی هاوڕێیەکی.

ئەم نەریتە نوێیە، لەلایەن دۆستانی ژینگەوە پێشوازی لێدەکرێت و بە هەنگاوێکی باش بۆ سەوزکردنی شار و شارۆچکەکان دادەنرێت.

بەشی بکە لە
Previous Next
Close
Test Caption
Test Description goes like this