ئەمریکا رێگەی بە جێبەجێکردنی ئاگربەستی جیهانی نەدا

0
280

ئەمریکا پڕۆژەیاسایەکی ئەنجومەنی ئاسایشی نەتەوەیەکگرتووەکانی سەبارەت بە جێبەجێکردنی ئاگربەستێکی جیهانی رەتکردەوە.

ئاژانسی هەواڵی فەڕەنسا، بڵاویکردووەتەوە، دوای دوو مانگ لە ئامادەکاری و دانوستان، ١٤ ئەندامی ئەنجومەنی ئاسایش لەسەر پڕۆژەیاسای جێبەجێکردنی ئاگربەستێکی جیهانی رێکەوتن، بەڵام لە دەنگدانێکدا ئەمریکا مافی ڤیتۆی دژ بە پڕۆژەیاساکە بەکارهێنا.

ئەوەش خراوەتەڕوو، مەبەست لە ئامادەکردنی پڕۆژەیاساکە هاوکاریکردنی ئەو وڵاتانەبوو کە شەڕ و ئاڵۆزییان تێدایە، تا بەشێوەیەکی کاریگەر بتوانن رووبەڕووی پەتای کۆرۆنا ببنەوە.

دیبلۆماتکارانی ئەمریکا لەبارەی رەتکردنەوەی پڕۆژەیاساکە بە ئاژانسەکەیان وتووە، ئەو پڕۆژە یاسایە دەبووە پاڵپشتی بۆ کارەکانی رێکخراوی تەندروستی جیهانی لە رووبەڕووبوونەوەی کۆرۆنادا.

ئەمە لەکاتێکدایە پێشتر سەرۆکی ئەمریکا رەخنەی لە کارەکانی رێکخراوی تەندروستی جیهانی گرتووە و تۆمەتباریکردووە بەوەی زانیاری گرنگی لەبارەی ڤایرۆسی کۆرۆنا لە ئەمریکا و جیهان شاردووەتەوە و ئەوەش هۆکاری بڵاوبوونەوەی ڤایرۆسەکەبووە بەو رێژە بەرچاوە.

 

بەشی بکە لە
Previous Next
Close
Test Caption
Test Description goes like this