داعش سێ گه‌نجى كوردى شه‌هید كرد كه دووانیان بران
چه‌ند چه‌كدارێكى داعش | فۆتۆ: ABCNEWS
SNN – سیروان حه‌سه‌ن
دره‌نگانى شه‌وى رابردوو له ناوچه‌ى شێخ بزێنى كه‌ركوك به‌هۆى ده‌ستڕێژى گوللـه‌ى چه‌كدارانى داعشه‌وه دوو برا و خزمێكیان شه‌هید بوون كه هه‌رسێكیان كوردن.
به وته‌ى فه‌رمانده‌یه‌كى پۆلیسى كه‌ركوك، “سێ گه‌نجه كورده‌كه له نێو ئۆتۆمبێلێكدا بوون له‌سه‌ر رێگاى گوندى “تۆڵك”ى سه‌ر به ناوچه‌ى شێخ بزێن و له لایه‌ن چه‌كدارانى داعشه‌وه دراونه‌ته به‌ر ده‌ستڕێژى گوللـه، هه‌رسێ گه‌نجه‌كه ده‌ستبه‌جێ شه‌هیدبوون كه دووانیان بران و ئه‌وى تر ناسیاویانه و یه‌كێك له شه‌هیده‌كان پێشمه‌رگه‌یه”.
له پۆستێكیشیدا له فه‌یسبوك وه‌ستا ڕه‌سول فه‌رمانده له هێزه‌كانى پێشمه‌رگه‌ى كوردستان له‌وباره‌یه‌وه نووسیویه‌تى، “ئه‌و ناوچه‌یه كه كرده‌وه‌كه‌ى تێدا ئه‌نجامدراوه له‌ژێر ده‌سه‌ڵاتى هێزه كوردستانیه‌كاندایه و پێویسته ئه‌و هێزانه زیاتر چاوه‌كراوه بن بۆ پاراستنى سه‌رو ماڵى هاووڵاتییانى سنووره‌كه”.
پەرەپێدراوە و دروستکراوە