گاڵتەی بە کۆرۆنا کرد.. دواتر ڤایرۆسەکە کوشتی

0
285

SNN
دوای ئەوەی گاڵتەی بە ڤایرۆسەکە کرد، چالاک و راهێنەری جەستەیی ئۆکرانی دیمیتری ستاجوک بە پەتای کۆرۆنا لە یەکێک لە نەخۆشخانەکانی کیێڤ گیانیلەدەستدا.

ستاجوک پاشئەوەی سەردانی تورکیا دەکات، تووشی ڤایرۆسی کۆرۆنا دەبێت، لە گەڕانەوەی بۆ وڵاتەکەی چارەسەر وەردەگرێت و دووەمجار لێیدەداتەوە و لە نەخۆشخانە بە کۆرۆنا دەمرێت.

ستاجوک تەمەنی 33 ساڵە و لە تۆڕە کۆمەڵایەتییەکان بە ملیۆنان هەواداری هەیە و پێشتر رایگەیاندبوو کە گومانی هەیە ڤایرۆسێک هەبێت بە ناوی کۆرۆنا.

سۆفیای هاوسەری دەڵێت: “دوای 8 رۆژ مانەوە لە نەخۆشخانەی کیێڤ، هێنامانە ماڵەوە، بەڵام دوای چەند کاتژمێرێک دۆخی تێکچوو بووەهۆی مردنی”.

دیمیتری ستاجوک لە دوایین ڤیدیۆیدا ئەوەی بە هەوادارنی وتبوو کە پێشتر باسی کردبوو کۆرۆنا راست نییە، بەڵام بە پێچەوانەوە ڤایرۆسێکی کوشندەیە و گاڵتەی پێناکرێت.

بەشی بکە لە
Previous Next
Close
Test Caption
Test Description goes like this