20 ملیار دینار بۆ رێگاى كه‌لار- سلێمانى تەرخانکرا

0
545

SNN- سیروان حه‌سه‌ن

به‌هۆى نه‌بوونى بودجه‌وه‌ كاركردن له‌ پرۆژه‌ى جوتسایدى رێگاى كه‌لار بۆ سلێمانى راگیرا و نیگه‌رانى لێكه‌وته‌وه‌، له‌ لایه‌ن وه‌زاره‌تى دارایه‌وه‌ بڕى 20 ملیار بۆ كاركردن له‌ پرۆژه‌كه‌ ته‌رخانكرا.

بێستون عه‌بدوڵا له‌ نوسینگه‌ى وه‌زیرى دارایى به‌ SNNى راگه‌یاند: ئه‌مڕۆ 20ى تشرینى یه‌كه‌مى 2020 له‌لایه‌ن وه‌زیرى دارایى حكومه‌تى هه‌رێمه‌وه‌ ره‌زامه‌ندى درا له‌سه‌ر خه‌رجكردنى بڕى 20 ملیار دینار بۆ پرۆژه‌ى جوتسایدى كه‌لار – سلێمانى.

وتیشى، “خه‌رجكردنى ئه‌و پاره‌یه‌ دواى نیگه‌رانییه‌كان دێت به‌ هۆى وه‌ستانى كاره‌كانى پڕۆژه‌كه‌ له‌به‌ر نه‌بوونى بودجه‌و هه‌روه‌ها له‌ لایه‌ن وه‌زاره‌تى ئاوه‌دانكردنه‌وه‌ داواكارى پێشكه‌ش كراوه”‌.

پێشتر عه‌دنان خه‌لیل به‌رێوه‌به‌رى ڕێگاوبانى گه‌رمیان به‌ SNNى راگه‌یاند: پڕۆژه‌ى كه‌لار بۆ سلێمانى له‌سنوورى كه‌لار بۆ ده‌ربه‌ندیخان به‌شێكى ته‌واوبووه‌ و به‌شه‌كه‌ى دیكه‌شه‌ى به‌م پاره‌یه‌ى ته‌رخانكراوه‌ كارى تێداده‌كرێت، به‌ڵام بۆ ته‌واوكردنى ته‌واوى جوتسایده‌كه‌ له‌ كه‌لار بۆ ده‌ربه‌ندیخان پێویستیان به‌ نزیكه‌ى 70 ملیارى دیكه‌ ده‌بێت چونكه‌ به‌شكى كۆتایى كه‌ ده‌كه‌وێته‌ نزیك ده‌ربه‌ندیخان پرد و بڕین و هه‌ورازى زۆرى تێدایه‌.

پرۆژه‌ى كه‌لار بۆ سلێمانى به‌هۆى قه‌یرانى داراییه‌وه‌ چه‌ند ساڵێك په‌كى كه‌وت و له‌ ساڵى رابردووه‌وه‌ كاركردن تێیدا ده‌ستى پێكردووه‌ته‌وه‌، به‌ڵام كاره‌كانى سستن و ناوبه‌ناویش له‌به‌ر نه‌بوونى بودجه‌ راده‌گیرێت. هه‌رچى به‌شى دووه‌مى پرۆژه‌كه‌ كه‌ له‌ ده‌ربه‌ندیخانه‌وه‌ بۆ سلێمانییه‌ تاوه‌كو ئئێستا هیچ كارێكى ئه‌وتۆى تێدا نه‌كراوه‌ كه‌ لێدانى تونێلیشى تێده‌كه‌وێته‌.

بەشی بکە لە
Previous Next
Close
Test Caption
Test Description goes like this