رۆژنامەنووس شێروان شێروانی تا ئێستا بێ سەرو شوێنە

0
816

SNNـ بڕیار محەمەد

ماوەی 13 ڕۆژە شێروان شێروانی چالاکی مەدەنی لەماڵەکەی خۆی دەستگیردەکرێت، هاوسەر و پارێزەرەکەشی دەڵێن، بەدواداچوونمان کردووە و ئاسایش دەڵێت لای ئێمە نیە، کەواتە چارەنووسی دیارنییە.

ڕووگەش عزەدین هاوسەری شێروان شێروانی لەکۆنفڕانسێکی ڕۆژنامەوانیدا ڕایگەیاند، سکاڵام لەدەستەی سەربەخۆیی مافی مرۆڤ تۆمارکرد، بۆ کەیسی شێروان شێروانی کە تاوەکو ئێستا شوێنی دیارنیە وبزرە، ئەوانیش پشتیوانیان دەربڕی کەوا بەدواداچوون بۆ کەیسەکەی دەکەین.

دەشڵێت “شێروان شێروانی مافی کەسی لەسەر نیە و نەتیرۆرستیشە یا پێشێلکاری کردبێ بەرامبەر هیچ کەسێک، بۆیە دڵنیایان کردینەوە کەوا بەدواداچوون دەکەن، چونکە پارێزەرەکانی تائێستا نە لەهەولێر نە لە دهۆک هیچ سۆراغێکیان دەست نەکەوتووە”.

ئەوەشی خستەڕوو، “نازانین لەکوێی زیندانی کراوە، سەڕەڕای هەوڵەکانیش بەڵام هیچمان دەستنەکەوتووە، ئەوەشی بڵاوکرایەوە کەوا پارەی وەرگرتبێت ڕاست نییە تەنها بۆ ناوزراندنی بووە”.

لای خۆشییەوە، پارێزەر هەرێم ڕەفعەت، پارێزەری کەیسەکە ڕایگەیاند، لە 7ی ئەم مانگەوە دوای دەستگیرکردنی ڕۆژێک دواتر بەدواداچوونمان کرد و مۆڵەتمان وەرگرد چوینە ئاسایشی گشتی و هەولێر وتیان لێرە نییە، سەردانی دهۆکمان کرد ئەوانیش وتیان لێرە نیە، بۆیە شوێن و چارەنووسی دیار نیە، ئەو دانپیانانەی باسی دەکەن بڵاوی بکەنەوە، پارێزەرەکەی ئامادەنەبووە.

بەشی بکە لە
Previous Next
Close
Test Caption
Test Description goes like this