له‌ كه‌ركوك گۆڕێكى به‌ كۆمه‌ڵ دۆزرایه‌وه‌ 

0
174
SNN-سیروان حه‌سه‌ن
له‌ سنوورى پارێزگای كه‌ركوك له‌لایه‌ن هێزه‌ ئه‌منییه‌كانه‌وه‌ گۆرێكى به‌ كۆمه‌ڵ دۆزرایه‌وه‌ كه‌ رووفاتى 45 كه‌سى تێدایه‌ کە گومان دەکرێت له‌ لایه‌ن چه‌كدارانى داعشه‌وه‌ كوژرابن.
سه‌رچاوه‌یه‌ك له‌ پۆلیسى كه‌ركوك به‌ snnى راگه‌یاند؛ له‌ لایه‌ن هێزه‌ ئه‌منییه‌كانه‌وه‌ له‌ گوندى داود علوگه‌ى باشوورى كه‌ركوك گۆرێكى به‌ كۆمه‌ڵ دۆزراوه‌ته‌وه‌ كه‌ رووفاتى 45 كه‌سی تێدایه‌.
وتیشى: رووفاته‌كان هه‌موویان پیاون و له‌ لایه‌ن چه‌كدارانى داعشه‌وه‌ كوژراون كه‌ ئه‌و كاته‌ ناوچه‌كه‌ له‌ ژێر ده‌سه‌ڵاتى چه‌كدارانى داعشدا بووه‌، پۆلیس گوماندەکات كوژراوه‌كان له‌ نه‌ته‌وه‌ى عه‌ره‌ب بن.
باسیشى له‌وه‌كرد: بریاره‌ گۆڕه‌كه‌ له‌ لایه‌ن تیمى تایبه‌ته‌وه‌ هه‌ڵبدرێته‌وه‌ و رووفاته‌كان كۆبكرێته‌وه‌ بۆ ئه‌وه‌ى ڕاده‌ستى لایه‌نى په‌یوه‌ندیدار بكرێن به‌ مه‌به‌ستى ناسینه‌وه‌یان.
لەدوای سەرهەڵدانی داعش و داگیرکردنی سێیەکی خاکی عێراق، چەکدارانی ئەو رێکخراوە دەستیان بە کوشتن و بڕینی هاووڵاتیانی مەدەنی کرد، لەدوای کۆنتڕۆڵکردنەوەی تەواوی عێراق لەلایەن هێزەکانی پێشمەرگە و هێزە ئەمنییەکانی عێراق لە ساڵی 2017، گۆڕە بەکۆمەڵەکان لەو ناوچانەدا دۆزرانەوە کە لەژێر دەستی داعشدا بوون.
نەتەوەیەکگرتووەکان تا ئێستا 202 گۆڕی بەکۆمەڵی لە عێراق بەدیکۆمێنت کردووە کە روفاتی نزیکەی 12 کەسی تێدابووە کە لەلایەن چەکدارانی داعشەوە کوژراون.
بەشی بکە لە
Previous Next
Close
Test Caption
Test Description goes like this