کارگەکانی پیشەسازی باشوور دەکرێنە پێشانگای ئۆتۆمبێل

0
273

ٍSNN-بریار محەمەد

سەرۆکایەتی شارەوانی هەولێر ڕایگەیاند، ڕەزامەندی وەرگیراوە بۆ گۆڕینی ئەو کارگانەی دەکەونە سنووری پیشەسازی باشوور بۆ پێشانگای ئۆتۆمبێل، کە لە رابردوودا خاوەنەکانیان گرفتی یاساییان بۆ دروستبووبوو.

عەبدولواحد ئەحمەد، سەرۆکی شارەوانی هەولێر لەکۆنفڕانسێکی ڕۆژنامەوانیدا ڕایگەیاند، ئەرکی حکومەت پێشکەشکردنی خزمەتگوزاری و کارئاسانیە بۆ هاووڵاتیان، چەندین ساڵە لە پیشەسازی باشوور کارگەکان گرفتیان هەیە و داواکاریان هەبوو کەوا کارگەکانیان بکەنە پێشانگای ئۆتۆمبێل، لەلایەن وەزیری شارەوانی هەوڵدرا ئەوکارە بکرێت و ڕەزامەندی وەرگیرا.

وتیشی: لەپیشەسازی باشوور گرفتێکی گەورەمان هەبوو، ڕۆژانە هاووڵاتیان سەردانی شارەوانیان دەکرد بۆ ئەوەی بتوانن کارگەکانیان بکەن پێشانگای ئۆتۆمبێل کەچەندین بەربەست هەبوون لەچۆنیەتی ئەنجامدانی ئەو کارە بەڕێکاری یاسایی، بەڵام ئەمڕۆ بەنوسراوی وەزارەتی شارەوانی ڕەزامەندی درا بەهەندێ ڕێنمایی و مەرج ڕێگا دەدرێت بەگۆڕینی کارگە بۆ پێشانگا.

ئەوەشی خستەڕوو، بەپێی ئەو نەخشەیەی بڵاومان کردۆتەوە دەتوانن کارگەکان بگۆڕن چونکە کەوتونەتە نزیک پێشانگاکانی ئۆتۆمبێل، ئەمەش گرفتی زۆری بۆ کاری کارگەکان دروست کردوە، خاوەن کارگەکان دەتوانن لەبەیانیەوە واتە ڕۆژی چوارشەممە ٢١ی تشرینی یەکەم مامەڵەکان و داواکاریان پێشکەش بکەن بەپێی مەرج وڕێنماییەکان بۆ گۆڕینی کارگەکانیان،و لیژنەیەک پێکهنراوە بۆ ڕاییکردنی کارەکان.

 

بەشی بکە لە
Previous Next
Close
Test Caption
Test Description goes like this