هەڤاڵ ئەبوبەکر: 300 ملیۆن دۆلار زیان بە سلێمانی گەیشتووە

0
951

SNN-هەڵکەوت سەروەت

پارێزگاری سلێمانی رایگەیاند، بەهۆی سوتانی دارسنەوبەرەکان، کۆمپانیایەکی بیانی رەتیکردووەتەوە وەبەرهێنان لە پارێزگاکە بکات، بەوەش بە بڕی 300 ملیۆن دۆلار زیان بەر پارێزگاکە گەیشتووە.

د.هەڤاڵ ئەبوبەکر، ئەمڕۆ لە کۆبونەوەی ئەنجومەنی پارێزگای سلێمانی رایگەیاند: لەدوای سوتانی دارسنەوبەرەکان و بڵاوبوونەوەی چەندین دەنگۆ لە تۆڕەکۆمەڵایەتییەکان، کۆمپانیایەکی پاڵاوتگە رەتیکردەوە بێتە سلێمانی و کاربکات، کە بڕیاربوو ئەو کۆمپانیایە هەلێکی کارکردنی زۆر لە پارێزگاکە بڕەخسێنێت.

وتیشی: بەهۆی خراپ بەکارهێنانی ئینتەرنێتەوە، بەشێک لە وەبەرهێنەرەکان نایانەوێت لە سلێمانی کار بکەن و هەندێک لە بازرگانەکانی سلێمانیش چونەتە دەرەوەی هەرێم و تەنانەت لە بەسرە وەربەرهەمهێنەری خەڵکی سلێمانی کاردەکات.

لە درێژەی قسەکانیدا، د.هەڤاڵ وتیشی: رووداوی سوتانی سنەوبەرەکانی تاسڵوجە وەک هەموو ئاگرێکی تر سروشتی بووە و بڕواناکەم هیچ حزبێکی ئەم شارە بیەوێت ماڵە جوانەکەس سلێمانی بسوتێنێت و هیچ ناچێتە مێشکەوە کە کەسی لەو شێوەیە هەبێت.

بەشی بکە لە
Previous Next
Close
Test Caption
Test Description goes like this