لێدوانی کومان لەسەر بردنەوەی یانەکەی لە فیرنسڤارۆش

0
1081
رۆناڵد کومان

SNN Sport

لە گروپی حەوتەم هەردوو یانەی بەرشەلۆنەی ئیسپانی و فیرنسڤارۆشی هەنگاری لە یاریگای کامپ نۆ رووبەڕووی یەکبوونەوە، لە ئەنجامدا یانە کەتەلۆنیەکە توانی یاریەکە 5-1 بباتەوە.

دوای یاریەکە رۆناڵد کومان راهێنەری یانەی بەرشەلۆنە بەشداری لە کۆنگرەیەکی رۆژنامەوانی کردوو باسی لە یاریەکەو بردنەوەکە کرد.

کومان لە کۆنگرەکە رایگەیاند:” دڵخۆشم بە ئەنجامی یاریەکە، هەندێکجار لە کاتی یاریەکە یارییەکی جوانمان دەکرد،هەندێک جاریش ئاستمان دادەبەزی، کرانە دەرەوەی پیکێ دادپەروەرانە نەبوو، لەسەرمانە بڕیاری ناوبژیوان پەسەند بکەین،دوای چوونە دەرەوەی ئەو یاریزانە شتەکان لەسەرمان قورس بوو، ئەو شایەنی کارتی زەرد بوو نەک سوور،دڵخۆشم بە شتە ئەرێنییەکانی دوای ئەم یارییە،لە هەموو هێڵەکانی یاریگاوە کێبڕکێ لە نێوان یاریزانەکان هەیە، ئەمەش سوودی دەبێت بۆ یانەکە”.

دواتر وتی:”میسی گەورە دوو گۆڵی دروست کرد،ئەو کاتێک گۆڵ تۆمار نەکات، بەڵام دوو گۆڵ و سێ گۆڵ دروست بکات،ئێمە داوای زیاتری لێ ناکەین،گریزمان یاری نەکرد، ئەوەش مانای نیە بۆ هیچ شتێک، من بۆ کلاسیکۆ هیچ دڵەڕاوکێم نیە، هەموو یارییەک پێکهاتەیەک دادەنێم”.

لە کۆتایدا وتی:” ئەم یانەیە داهاتوویەکی گەورەی دەبێت،ترینکاویش بەم نزیکانە باشتر دەبێت و یاری بە شێوەیەکی باش دەکات،دڵخۆشم بە ئاستی نایابی ئانسۆ فاتی”.

بەشی بکە لە
Previous Next
Close
Test Caption
Test Description goes like this