ئەو دایکەی دوو منداڵەکەی فڕێدایە دیجلەوە برایە بەردەم دادگا بەتۆمەتی کوشتنی بەئەنقەست

0
557

SNN

وەزارەتی ناوخۆی عێراق دەڵێت: “ئەو دایکەی دوو منداڵەکەی فڕێدایە ناو رووباری دیجلەوە بە تۆمەتی کوشتنی بەئەنقەست براوەتە بەردەم دادگا، راشیگەیاند “پێویستە هۆکارەکانی پشت ئەم دیاردە خەمناکانە لێکبدرێنەوە”.

رۆژی 18ی ئەم مانگە دایکێک لە بەغدا تەنیا بە هۆکاری ئەوەی ویستی مێردی پێشووی لە ئازاری دووری لە منداڵەکانی تێبگەیەنێت، هەردوو منداڵەکەی فڕێدایە نێو رووباری دیجلە و خنکان.

لیوا خالید محەنا راشیگەیاند “ئەو ژنە کە ناوی (نەسرین)ە قورسترین سزا دەدرێت بەو پێیەی منداڵی خۆی کوشتوون و داواشیکرد ئەم دیاردە کۆمەڵایەتییانە دەبێت هەڵوێستەیان لەسەر بکرێت و رێگە لە دووبارەبوونەوەیان بگیرێت”.

وتیشی: “تۆمەتبارەکەش لە چواردەورەکەی خۆیەوە تووشی توندوتیژی بۆتەوە و مامەڵەی خراپی لەگەڵ کراوە بۆیە پەنای بۆ تاوانێکی لەو جۆرە بردووە”.

ڤیدیۆی کوشتنی ئەو دوو منداڵە شەوی 17 لەسەر 18ی ئەم مانگە بڵاوبۆوە کە بەپێی میدیا عێراقییەکان، ژنەکە تەڵاق دراوە، ئەویش بەهۆیەوە کوڕ و کچەکەی دەباتە سەر پردی ئەئیممە لەنێوان ئەعزەمییە و کازمییە لە بەغدا و هەردووکیان فڕێدەداتە نێو رووباری دیجلە.

بەشی بکە لە
Previous Next
Close
Test Caption
Test Description goes like this