حکومەتی هەرێم لێخۆشبوونی گومرگیی دەرکرد بۆ هاوردەکردنی ئامێری کشتوکاڵیی

0
136

SNN

لە کۆبونەوەی ئەمڕۆ چوارشەممە2020/10/21، ئەنجوومەنی وەزیران وەزیری کشتوکاڵ پێشنیاری لێخۆشبوونی گومرگی بۆ هەندێک ماددەی سەرەتایی کردووە کە لە دەرەوەی ھەرێمەوە ھاوردە دەکرێن بۆ پڕۆژە کشتوکاڵییەکان کە لەناوخۆدا بەرهەم نایەت.

بێگەرد تاڵەبانی وەزیری کشتوکاڵی هەرێم دەڵێت: “دوایانکردووە بە لێخۆشبوون لە هاوردەکردنی ئامێری کشتوکاڵیی پێشکەوتوو لە ڕەسمی گومرگی بۆ ئەو کۆمپانیا تایبەتمەندانەی کە ئامادەن ئەو ئامێرانە هاوردە بکەن تاکو بە مەرجی ئاسان و بە شێوازی قیست بۆ جووتیارانی ڕاستەقینە دابین بکرێن”.

دەشڵێت: “دوای گفتوگۆ ئەنجوومەنی وەزیران لە چوارچێوەی ھێڵە گشتییەکانی کارنامەی کابینەی نۆیەم، ڕەزامەندیدا لەسەر پێشنیارەکانمان بۆ پشتگیریی جووتیاران و پڕۆژە کشتوکاڵییەکان، لەم پێناوەشدا هەردوو وەزارەتی دارایی و ئابووری و ناوخۆی ڕاسپارد بە ھەماھەنگیی لەگەڵمان کاری پێویست ئەنجامبدەن”.

لە ھەمانکاتدا ئەنجوومەنی وەزیران، بە گرنگی زانی کە پشتیگریی پیشەسازی کشتوکاڵیی بکرێت و هانی کەرتی تایبەت بدرێت بۆ دامەزراندن و بەرھەمھێنانی ئەو پێداویستيیانەى كە بۆ هەرێمى كوردستان گرنگن.

بەشی بکە لە
Previous Next
Close
Test Caption
Test Description goes like this