گۆرگیس وازهێنانی له یاری تێنسی سه‌رزه‌وی راده‌گه‌یەنێت
جولیان گۆرگیس
SNN Sport
جۆلیا گۆرگیس یاریزانی تێنسی سه‌ر زه‌وی ئه‌ڵمانی پاش كاروانێكی پڕ له نازناوه‌كان له ركابه‌رییه‌كانی تاك و جووتی تێنس، بڕیاریدا وازبهێنێت.
له نامه‌ی وازهێنانی گۆرگیس كه له ده‌زگاكانی تۆڕه كۆمه‌ڵایتیه‌كان بڵاویكرده‌وه وتی:” سوپاس بۆ ئه‌و هه‌مووه‌ی كه پێتبه‌خشیم ، بۆ هه‌تا هه‌تایه له دڵمدا ده‌بێ “.
هه‌روه‌ها وتی:” هه‌میشه ده‌مزانی كه كاتێك گونجاوه بۆماڵئاواییكردن لێت و ئه‌وه‌تا ئه‌و چركه‌یه هاتووه “.
گۆرگیسی ته‌مه‌ن (31 ) ساڵ له ماوه‌ی كاروانه‌كه‌یدا حه‌وت نازناوی له ركابه‌رییه‌كانی تاك و پێنج نازناوی له ركابه‌رییه‌كانی جووتدا به‌ده‌ستهێناوه .
ئەو كچه یاریزانه دوایین یاری خۆی لە پاڵه‌وانێتیی كراوه‌ی فه‌ره‌نسا بوو له قۆناغی دووه‌مدا ماڵئاوایی كرد پاش شكستهێنانی له به‌رامبه‌ر لۆرا سیگمۆندی هاونیشمانی.
