19 کارگە کە ژینگەیان پیسکردبوو داخران

0
146

SNN-سیروان حه‌سه‌ن

له‌ سنوورى گه‌رمیان 19 كارگه‌ى چه‌و و لم كه‌ زۆربه‌یان له‌سه‌ر رووبارى سیروان داخراون و تاوه‌كو پابه‌ندى لایه‌نه‌ ژینگه‌یى و یاساییه‌كان نه‌بن رێگه‌ به‌ كردنه‌وه‌یان نادرێت.

یادگار فه‌تاح به‌رێوه‌به‌رى نه‌وت و كانزاكانى گه‌رمیان به‌ SNNى راگه‌یاند؛ له‌ لاێه‌ن به‌ بەڕێوه‌به‌رایه‌تییه‌كه‌یانه‌وه‌ 19 كارگه‌ى چه‌و و لم له‌سنوورى گه‌رمیان داخراون كه‌ زۆربه‌یان ده‌كه‌ونه‌ سه‌ر رووبارى سیروان.

وتیشى: ئه‌و كارگانه‌ مۆڵه‌ته‌كانیان به‌سه‌رچووه‌ و مۆڵه‌تیشیان پێنادرێت تاوه‌كو پابه‌ندى لایه‌نى ژینگه‌ى و یاسایى نه‌بن و ته‌واوى مه‌رجه‌كانى سه‌رجه‌م لایه‌نه‌ په‌یوه‌ندیداره‌كان جێبه‌جێ نه‌كه‌ن.
یادگار فه‌تاح ئاماژه‌ى به‌وه‌شدا: ئه‌و كارگانه‌ى داخراون ده‌كه‌ونه‌ سنوورى كه‌لار، قۆرتوو، پێباز و مه‌یدان و به‌ هیچ شێوه‌یه‌ك رێگه‌ به‌ كردنه‌وه‌یان نادرێت وه‌كو پێشووتر كاربكه‌ن و ببنه‌ زیان بۆ سه‌ر كان و زه‌وى رووباره‌كه‌.
له‌ ماوه‌ى رابردوودا له‌ سنوورى گه‌رمیان هه‌ڵمه‌تێك بۆ لابردنى ئه‌و كارگانه‌ ئه‌نجامدرا كه‌ بوونه‌ته‌ هۆى گۆڕینى رێڕه‌وى ئاوى سیروان و تێكدانى ژینگه‌ و له‌ناوبردنى دارو سه‌وزایى سه‌ر رووباره‌كه‌.

ئه‌یاد كه‌ماڵه‌یى سه‌رپه‌رشتیارى هه‌ڵمه‌ته‌كه‌ به‌ SNNى راگه‌یاند: داخستنى ئه‌و كارگانه‌ جێگاى ده‌ستخۆشییه ‌و پێویستیشه‌ هیچ كارگه‌یه‌ك له‌سه‌ر رووباره‌كه‌ نه‌هێڵدرێته‌وه‌ بۆ ئه‌وه‌ى سروشتى جوانى خۆى بۆ بگه‌ڕێته‌وه‌ ببێته‌ ناوچه‌یه‌كى گه‌شتیارى به‌سود بۆ ناوچه‌كه‌.

بەشی بکە لە
Previous Next
Close
Test Caption
Test Description goes like this