گه‌نجێكى خەڵکی بەمۆ له‌ سنووری ئێران بێسەروشوێن بووە

0
79

SNN-سیروان حه‌سه‌ن

گەنجێکی دانیشتووی ناحیەی بەمۆ لە دوێنێوە لەسه‌ر سنوورى ئێران بێسەروشوێن بووە، ده‌نگۆى ئه‌وه‌ هه‌یه‌ مینى پێدا تەقیبێتەوە.

سمكۆ سالار به‌رێوه‌به‌رى ناحیه‌ى به‌مۆ به‌ SNNى راگه‌یاند؛ له‌ دوێنێوە گه‌نجێكى دانیشتووى ناحیه‌ى به‌مۆ به‌ ناوى “گۆران محه‌مه‌د” به‌ ماتۆرسكیلێكه‌وه‌ چووه‌ته‌ سه‌ر سنوورى نێوان هه‌رێمى كوردستان و ئێران، له‌سه‌ر سنووره‌كه‌ ماتۆرسكیله‌كه‌ى دۆزراوه‌ته‌وه‌ و خۆی دیار نییه‌.

وتیشى، ئه‌و گه‌نجه‌ كه‌ پیشه‌ى كرێكارییه‌ ده‌نگۆى ئه‌وه‌ هه‌یه‌ له‌ دیوى ئێرانه‌وه‌ مینى پێدا تەقیبێتەوە، به‌ڵام تاوه‌كو ئێستا دیار نییه‌ و گه‌ڕان به‌ دوایدا به‌رده‌وامه‌ و ده‌سه‌ڵاتدارانى ئێرانیش ئاگاداركراونه‌ته‌وه‌.

كه‌سوكارى گه‌نجه‌کە به‌دوایدا ده‌گه‌ڕێن، خه‌ڵكێكى زۆر چووه‌ته‌ سه‌ر سنوور، به‌ڵام له‌به‌ر ئه‌وه‌ى ناوچه‌كه‌ مینڕێژكراوه‌ ناتوانرێت به‌ ئاسانى ناوچه‌كه‌ بپشكنن.

بەشی بکە لە
Previous Next
Close
Test Caption
Test Description goes like this