بەڕێوەبەری نەخۆشخانەی منداڵانی سلێمانی: چوار منداڵ بە کۆرۆنا گیانیان لەدەستداوە

0
113

SNN-هەڵکەوت سەروەت

بەڕێوەبەری نەخۆشخانەی (جەمال ئەحمەد رەشید)ی منداڵان لە سلێمانی رایگەیاند، لە دوو رۆژی رابردوودا چوار منداڵ کە نەخۆشی درێژخایەنیان لەگەڵدابووە، بە کۆرۆنا گیانیان لەدەستداوە.

د.پشدەر عەبدوڵا لە لێدوانێکیدا بۆ SNN رایگەیاند: رێژەی تووشبوون بە کۆرۆنا لە هەرێمی کوردستان بۆ نزیکەی 16% بەرزبووەتەوە، کە پێشتر بە 10% دیاریکرابوو، ئەم رێژەیە لەسەر ئاستی جیهانیش بەهەمان شێوە بەرزبووەتەوە، هۆکارەکەی بۆ تووشبوونی زیاترین هاووڵاتییان بە ڤایرۆسەکە دەگەڕێتەوە.

ناوبراو ئاماژەی بەوەشکرد، لە ئێستادا سێ منداڵ کە نەخۆشی درێژخایەنیان هەیە و تووشی ڤایرۆسی کۆرۆنا بوون، تەندروستییان ناجێگیرە.

راشیگەیاند: ئەو چوار منداڵەی کە گیانیانلەدەستداوە، لەگەڵ ئەوانەی کە باری تەندروستییان ناجێگیرە تەمەنیان لە خوار 10 ساڵەوەیە.

سەبارەت بە نیشانەکانی کۆرۆنا لە منداڵاندا، رایگەیاند: هەندێک نیشانەی وەک سوربونەوەی چاوو سەرئێشەی زۆر و ئاوسانی دەست و قاچ و سیستی هەناسەدان هەیە لەمنداڵاندا پێویستە بەزوترین کات ببرێنە لای پزیشکی پسپۆر چونکە ئەمانە نیشانەی کۆرۆنان لەمناڵاندا.

ئەمە لەکاتێکدایە بە گوێرەی توێژینەوە جیهانییەکان مەترسییەکانی تووشبوون و گیانلەدەستدان بە کۆرۆنا لە تەمەنی کەمدا نزمترە.

بەشی بکە لە
Previous Next
Close
Test Caption
Test Description goes like this