مووچه‌ى چه‌ندین وه‌زیر و په‌رله‌مانتارى عێراق راگیرا

0
646
دراوى 25 هه‌زار دینارى عێراق

SNN
ئه‌مڕۆ شه‌ممه‌ ده‌سته‌ى ده‌ستپاكى عێراق رایگه‌یاند: به‌هۆى ئه‌وه‌ى ئاماده‌نه‌بوون سه‌روه‌ت و سامانه‌كه‌یان ئاشكرا بكه‌ن مووچه‌ى چه‌ندین وه‌زیر و په‌رله‌مانتار راگیراوه‌، سه‌رۆكى به‌شى خۆپارێزى ئه‌و ده‌سته‌یه‌ش ده‌ڵێت: “وه‌زیرى دارایی عێراق ئاماده‌نه‌بوو سامانه‌كه‌ى ئاشكرا بكات”.

موعته‌ز عه‌باسى، سه‌رۆكى به‌شى خۆپارێزى له‌ ده‌سته‌ى ده‌ستپاكى عێراق رایگه‌یاند: “له‌ ماوه‌ى رابردوودا لیستى ئاشكرا كردنى سه‌روه‌ت و سامانه‌كانیان ئاراسته‌ى سه‌رجه‌م به‌رپرس و په‌رله‌مانتاره‌كانى عێراق كراوه‌، به‌ڵام تا ئێستاش به‌شێكیان ئاماده‌نه‌بوون سه‌روه‌ته‌كه‌یان ئاشكرا بكه‌ن”.

وتیشى: “به‌هۆى ئه‌وه‌ى به‌شێكیان ئاماده‌نه‌بوون ئه‌و لیسته‌ پڕبكه‌نه‌وه‌، مووچه‌كه‌یان راگیراوه‌ تاوه‌كو سامانه‌كه‌یان ئاشكرا نه‌كه‌ن، مووچه‌ وه‌رناگرن”.

ئه‌و به‌رپرسه‌ى ده‌سته‌ى ده‌ستپاكى بۆ یه‌كه‌مجار ئه‌وه‌ش ئاشكرا ده‌كات: “وه‌زیرى دارایی و وه‌زیرى گواستنه‌وه‌ و گه‌یاندنى عێراق له‌ناو ئه‌و كه‌سانه‌دان كه‌ سامانه‌كه‌یان ئاشكرا نه‌كردووه‌”.

به‌ وته‌ى موعته‌ز عه‌باسى، “له‌نێو به‌رپرسه‌كانى عێراقدا زۆرترین به‌ده‌مه‌وه‌ هات بۆ بڕیاره‌كه‌ له‌لایه‌ن په‌رله‌مانتاره‌كانه‌وه‌ بووه‌، چونكه‌ به‌ڕێژه‌ى 94% مووچه‌كه‌یان سه‌روه‌ت و سامانى خۆیان ئاشكرا كردووه‌”.

 

بەشی بکە لە
Previous Next
Close
Test Caption
Test Description goes like this