مامۆستایانى ناڕازى گه‌رمیان: به‌رده‌وام ده‌بین له‌ خۆپیشاندان

0
58
خۆپیشاندانى مامۆستایانى ناڕازى له‌ گه‌رمیان | فۆتۆ: SNN

SNN – سیروان حه‌سه‌ن
ئه‌مڕۆ شه‌ممه‌ له‌ سنوورى گه‌رمیان مامۆستایان دژى رازیبوونى به‌ڕێوه‌به‌رى قوتابخانه‌كان به‌ ده‌ستپێكردنه‌وه‌ى ده‌وام خۆپیشاندانیان ئه‌نجامداوه‌، ئه‌ندامێكى ئه‌نجوومه‌نى مامۆستایانى ناڕاز گه‌رمیانیش ده‌ڵێت: “تاوه‌كو ئێواره‌ له‌سه‌ر شه‌قام ده‌مێنینه‌وه‌‌”.

نه‌به‌رد ئه‌حمه‌د، ئه‌ندامى ئه‌نجوومه‌نى مامۆستایانى ناڕازى له‌ گه‌رمیان و كوردستان به‌ SNNى راگه‌یاند: “وه‌كو مامۆستایانى ناڕازى له‌ گه‌رمیان له‌ به‌رده‌م په‌روه‌رده‌ى كه‌لار خۆپیشاندانمان ده‌ستپێكرد دژى بڕیارى به‌ڕێوه‌به‌رى قوتابخانه‌كان كه‌ رازیبوون به‌وه‌ى بایكۆت كۆتایى پێبهێت و ده‌وام ده‌ستپێبكه‌نه‌وه‌”.

وتیشى: “خۆپیشاندانه‌كه‌ جه‌ختكردنه‌وه‌یه‌ له‌سه‌ر به‌رده‌وامى بایكۆت، هه‌روه‌ها تاوه‌كو جێبه‌جێكردنى داواكارییه‌كانمان كه‌ پێشتر ئاراسته‌ى حكومه‌تمان كردووه‌ ئاماده‌نابین بچینه‌وه‌ قوتابخانه”‌.

پێشتر له‌ سنوورى گه‌رمیان مامۆستایان چه‌ند داواكارییه‌كانیان خسته‌ڕوو كه‌ گرنگترینیان بریتیبوو له‌ پێدانى مووچه‌ 30 رۆژ جارێك و به‌بێ لێبڕین و بایكۆتى ده‌وامیان كرد، هه‌فته‌ى رابردوو پاش راگه‌یاندنى لیستى نوێى مووچه‌ و دابه‌شكردنى به‌ڕێوه‌به‌رى قوتابخانه‌كانى گه‌رميان رازیبوون بچنه‌وه‌ هۆڵه‌كانى خوێندن و ده‌ستبه‌ پرۆسه‌ى خوێندن بكه‌نه‌وه‌.

 

بەشی بکە لە
Previous Next
Close
Test Caption
Test Description goes like this