به‌هۆى رووداوێكى هاتووچۆوه كچ و باوكێك گیانیان له‌ده‌ستدا
گواستنه‌وه‌ى ته‌رمى قوربانیانى رووداوێكى هاتووچۆ له‌سه‌ر رێگاى هه‌ڵه‌بجه سه‌یدسادق | فۆتۆ: SNN
SNN-عەلی حەمە سەعید
كەمێك پێش ئێستا لە رووداوێكی هاتووچۆدا لەسەر رێگای سەرەكی هەڵەبجە سەیدسادق بەهۆی وەرگەڕانی ئۆتۆمبێلێك كچ و باوكێك گیانیان لەدەستدا و دایكیشیان بریندار بوو.
سنور حامید، جێگری بەڕێوەبەری گشتی تەندروستيی هەڵەبجە بە SNNی راگەیاند: “دوانیوەڕۆی ئەمڕۆ لە ئەنجامی وەرگەڕانی ئۆتۆمبێلێك لە جۆری تۆیۆتا لاندكروزەر، لەسەر رێگای سەرەكی هەڵەبجە سەیدسادق لەنزیك گوندی ( قاجر ) باوك و كچێك گیانیان له‌ده‌ستداوه و دایكه‌كه‌ش برینداربووه”.
وتیشى: “بەپێی لێكۆڵینەوە سەرەتاییەكان دەركەوتووە، ئەو خێزانە خەڵكی شاری سلێمانین، تەرمەكان رەوانەی پزیشكی دادی هەڵەبجە كراوە، بریندارەكەش لە نەخۆشخانەی فریاكەوتنی هەڵەبجەیە و لایەنە پەیوەندیدارەكان لێكۆڵینەوەیان لە رووداوەكە دەستیپێكردووە”.
دوێنێ هه‌ینى لە هەمان شوێن وەرگەڕانی ئۆتۆمبێلێكی جۆری BMW بووە هۆی گیان لەدەستدانی دوو گەنج و بریندار بوونی دوو كەسی دیكە.
پەرەپێدراوە و دروستکراوە