ئۆپراسیۆنى هاوبه‌شى ئاسایش و پێشمه‌رگه‌ له‌ ناوچه‌ى شێخ بزێنى كۆتایی هات

0
69
پێشمه‌رگه‌یه‌ك له‌كاتى ئه‌ركدا | فۆتۆ: Sebastian Meyer/Corbis

SNN – سیروان حه‌سه‌ن
له‌و سنووره‌ى سێ گه‌نجى كورد له‌ كه‌ركوك شه‌هید كران، هێزه‌كانى ئاسایش و پێشمه‌رگه‌ ئۆپراسیۆنێكى هاوبه‌شییان بۆ سه‌ر چه‌كدارانى داعش ئه‌نجامدا.

به‌پێى زانیارییه‌كانى SNN كه‌ له‌ ئاسایشى گه‌رمیان ده‌ستیكه‌وتوون، “دواى شه‌هیدبوونى ئه‌و سێ گه‌نجه‌ى ناوچه‌ى شێخ بزێنى، ئه‌مڕۆ هێزه‌كانى ئاسایش و پێشمه‌رگه‌ ئۆپراسیۆنێكى هاوبه‌شيان بۆ سه‌ر ناوچه‌ى شێخ بزێن و بۆشاییه‌ ئه‌منییه‌كانی نێوان هێزه‌كانى كوردستان و عێراق ئه‌نجامدا”‌.

هه‌ر به‌پێى زانیارییه‌كان، “له‌ ئۆپر‌اسیۆنه‌كه‌دا هه‌ندێك شوێنى حه‌وانه‌وه‌ و خواردن و كه‌ره‌سته‌ بینراون كه‌ به‌ڵگه‌ن بۆ جموجۆڵى چه‌كدارانى داعش له‌ سنووره‌كه‌، به‌ڵام هیچ چه‌كدارێكیان نه‌بینیووه‌، هێزه‌كانیان به‌رده‌وامده‌بن تاوه‌كو دۆزینه‌وه‌ و له‌ ناوبردنى ئه‌و چه‌كدارانه”‌.

ناوچه‌ى شێخ بزێن له‌ كه‌ركوك ناوچه‌یه‌كى به‌رفراوانه‌ و بۆشاییه‌كى ئه‌منى گه‌وره‌ش له‌و ناوچه‌یه‌ هه‌یه‌ كه‌ ده‌كه‌وێته‌ نێوان هێزه‌كانى پێشمه‌رگه‌ و سوپاى عێراق، پێشتر ناوچه‌كه‌ بێ كێشه‌ بووه‌، به‌ڵام ماوه‌یه‌كه‌ چه‌كدارانى داعش هاتوونه‌ته‌ سنووره‌كه‌ و هه‌فته‌ى رابردوو سێ گه‌نجى كوردیان شه‌هید كرد، دواتر وێنه‌كانیان بڵاوكرده‌وه‌ واباسى ده‌كه‌ن سێ پێشمه‌رگه‌یان كوشتووه‌ له‌ كاتێكدا ئه‌و گه‌نجانه‌ سه‌رقاڵى ئاژه‌ڵداری بوون.

بەشی بکە لە
Previous Next
Close
Test Caption
Test Description goes like this