لە ئەمڕۆوە ئاگربەستی ئەرمینیا و ئازەربایجان جێبەجێ دەکرێت

0
55

SNN

شەوی رابردوو بە نێوەندگری ئەمریکا، ئەرمینیا و ئازەربایجان ئاگربەستێکیان واژووکرد و رێکەوتنەکەش لە سەرلەبەیانی ئەمڕۆوە جێبەجێ دەکرێت.

رێککەوتنەکە لەدوای دانوستانێکی چڕ ئەنجامدرا لەنێوان ستیفان بەیگەن جێگری وەزیری دەرەوەی ئەمریکا و زۆهراب مناتسانکانیان وەزیری دەرەوەی ئەرمینیا، جەیهون بایرانۆڤ، هاوتا ئازەربایجانیەکەی، لە کاتژمێر 8ی سەرلەبەیانی ئەمڕۆوە شەڕ و ئاڵۆزی لە هەرێمی قەرەباغ راگیراوە.

دۆناڵد ترەمپ سەرۆکی ئەمریکا لە تویتەری خۆی باسی لە ئاگربەستەکە کرد و وتی دەبێتە هۆی رزگارکردنی ژیانی زۆرێک لە هاووڵاتییانی ناوچەکە و شانازیش بە نێوەندگری وەزیری دەرەوەی ئەمریکا و جێگرەکەی دەکات.

ئەمە یەکەمجار نییە ئاگربەست بۆ راگرتنی شەڕی قەرەباغ واژوو دەکرێت، پێشتریش دوو ئاگربەستی دیکە هەبوون و پاش ماوەیەکی کورت لە واژووکردنیان شکێندراون.

لە ڕۆژی 27ی ئەیلول شەڕ لەسەر هەرێمی قەرەباغ دەستیپێکرد، قەرەباغ ناوچەیەکی چوار هەزار و 800 کیلۆمەتریی نێوان وڵاتی ئازەربایجان و ئەرمینیایە، دانیشتوانی هەرێمەکە ئەرمەنین، تاوەکو ئێستاش زیاتر لە 35 هەزار کەس لەم شەڕە درێژخایەنەدا کوژراون.

بەشی بکە لە
Previous Next
Close
Test Caption
Test Description goes like this