پۆگبا وەڵامی ماکرۆن دەداتەوەو دەیەوێت چیتر یاری بۆ هەڵبژاردەی فەرەنسا نەکات

0
66
پۆل پۆگبا

SNN Sport

پۆل پۆگبای فەرەنسی و ئەستێرەی هێڵی ناوەندی یانەی مانچستەریونایتد، لەوانەیە لە ریزەکانی هەڵبژاردەی فەرەنسا چیتر یاری نەکاتەوە، ئەمەش بەهۆی لێدوانەکانی ماکرۆنی سەرۆکی فەرەنسا دژی ئاینی ئیسلام.
ماکرۆن لە رۆژانی رابردوو لێدوانی دژ بە ئاینی پیرۆزی ئیسلام داوەو ئەوەش لە لایەن موسوڵمانان کاردانەوەی لێکەوتەوەو نیگەرانبوون بەرامبەر بە لێدوانەکانی.

بە پێی راپۆرتی رۆژنامە بە ناوبانگەکانی ئەوروپا، لەوانەیە پۆگبا لە ریزەکانی هەڵبژاردەی فەرەنسا یاری نەکاتەوە،ئەمەش دوای ئەوەی ئەم ئەستێرەیە لێدوانەکانی ماکرۆنی بە سوکایەتیکردن بە خۆی و موسوڵمانان داناوەو وتوویەتی:” ئاینی ئیسلام دووەم ئاینە لە وڵاتی فەرەنسا نابێت سوکایەتی پێبکرێت”.

رۆژنامەی زە سەنی ئینگلیزی لەسەر گرانترین یاریزان لە مێژووی یانەی مانچستەریونایتد دەڵێت:” پۆگبا بڕیاریداوە واز لە یاریکردن بۆ هەڵبژاردەی فەرەنسا بهێنێت،ئەمەش بەهۆی سوکایەتیکردنی ماکرۆن و حکومەتەکەی بە ئاینی پیرۆزی ئیسلام،ئەم یاریزانە هەستی بەوە کردووە سوکایەتی پێکراوە”.

ئەمە لە کاتێکدایە تا ئیستا یەکێتیی تۆپی پێی فەرەنسا وەڵامی ئەستێرە تەمەن 27 ساڵەکەی نەداوەتەوەو هیچ بەیاننامەیەکی بڵاونەکردووەتەوە.

پۆگبا لە فەرەنسا لە دایکبووە، بە رەگەز خەڵکی وڵاتی غینیایە لە کیشوەری ئەفریقا، هەڵگری دینی ئیسلامە، پیشتر چەند وێنەیەکی بڵاوکردەوە لە مەککەی سعودیە بووە بۆ بە جێهێنانی فەریزەی حەج و ئەنجامدانی گەشتی عەمرە.

 

 

بەشی بکە لە
Previous Next
Close
Test Caption
Test Description goes like this