بەهۆی نەهاتنی لە ئێرانەوە پیاز و پەتاتە نرخەکانیان لە بازاردا بەرز دەبێتەوە

0
81

SNN- هەڵکەوت سەروەت

ماوەی چەند رۆژێکە نرخی پەتاتەو پایاز بەشێوەیەکی بەرچاو لە بازاڕەکانی هەرێم بەرزبۆتەوە، سۆران محمد خاوەنی کەرت لە عەلوەی سلێمانی بە SNNی راگەیاند: بەهۆی کەمبوونەوەی پەتاتە و پیاز لە هەولێر نرخی ئەو دوو جۆرە بەرزبووەتەوە و ئێستا لە عەلوە پەتاتە بە نرخی کۆ 500 دینارە بۆ هەر کیلۆیەک و پیازیش 450 دینارە، بەڵام کاتێک دەچێتە دووکانەوە نرخەکانی دوو بۆ سێ هێندە زیاد دەکات.

ئەو خاوەن کارە وتیشی “ئێستا داواکاری زۆر لەخوارووی عێراق بۆ پەتاتە و پیاز هەیە و داخستنی دەروازەکانیش بۆ هاوردەکردنی هۆکارێکی ترە بۆ بەرزوونەوەی و ئێستاش پەتاتە و پیازی هەولێر ڕێژەیەکی کەمی ماوە و پێشبینی دەکرێت نرخەکان زیاتر بەرزببنەوە”.

لەئێستادا هاوردەکردنی پەتاتە و پیاز بۆ هەرێمی کوردستان ڕاگیراوە و لە ناوەڕاستی مانگی داهاتوو بازرگانەکان ئەتوانن لە وڵاتانی دراوسێوە بەتایبەتی ئێران پەتاتە و پیاز بهێنن.

بەشی بکە لە
Previous Next
Close
Test Caption
Test Description goes like this