هەولێر “هاتنەوەی پارەیەكی زۆری كرێی مانگانەی ئاو هاووڵاتییان نیگەران دەكات”

0
90

SNN- بریار محەمەد

بەهۆی هاتنەوەی پارەیەكی زۆری كرێی مانگانەی دابەشكردنی ئاو لە پارێزگای هەولێر، ژمارەیەك لە هاووڵاتییانی‮ ‬گەڕەكە جیاجیاكانی‮ ‬شاری‮ ‬هەولێر نیگەرانی دەردەبرن و رایدەگەێنن: دوای‮ ‬بەستنی‮ ‬پێوەری‮ ‬ئاوی‮ ‬ماڵان و لە كاتی‮ ‬كۆكردنەوەی‮ ‬پارەی‮ ‬ئاو بە پێوەر،‮ ‬پارەیەكی‮ ‬زۆر لەسەر هاووڵاتییان كۆبۆتەوە و گلەییان لە هاتنەوەی‮ ‬ئەو پارە زۆرە هەیە.

بەشدار محەمەد “هاووڵاتـییەكەی دانیشتووی شاری هەولێرە و دەڵێت : بەراستی ئەو پێوەرەی كە بۆ ئاوی ماڵان دانراوە بەس پێوەر نییە، لەبەر ئەوەی ئەوانەی پێوەرەكەیان بەستووە هەر خۆیان دێن و هەر خۆشیان پارەكە كۆدەكەنەوە بە میزاجی خۆیان بڕی پارەكە دیاری دەكەن و ئێستا من بری 146 هەزاردینارم بۆهاتۆتەوە، چونكە سێ جار پێشتر هاتوون و هیچم بۆ نەهاتۆتەوە، دوای سێ مانگەكە بۆ مانگی چوارم هاتەوە وتی “146 هەزار دینارت بۆ هاتۆتەوە ئەو برە پارەیەش دیاری كراو نییە كە هیچ مانگێكەوە لەكام مانگەوە هەژمار كراوە”.

وتیشی ” من ئێستا ئەو بڕە پارەیەم نییە بیدەم ئامادەش نیم بیدەم هەرچیەكیش روودەدات بارووبدات ئاخەر لە كوێی دونیا هەبووە بەو شێوەیی ئێستا حكومەت فێل لە هاووڵاتیان بكات ئەو كێشە بەس تەنها من نیم ئەوتا دراوسێكانم هەیە 300 هەزار و 500 هەزار تا 800 هەزار دیناریش هاتۆتەوە”.

ئیدریس سدیق هاووڵاتیەكەی دیكەی دانیشتووی شاری هەولێر و بە SNNی راگەیاند : من ماوەیەكە چوومەتە ناو خانووە نوێیەكەم، بەهۆی ئەوەی هەم بۆخۆم و هەم تەواوی هاووڵاتییان تێبینیمان لەسەر پێوەری ئاو هەیە بۆیە بڕیارمداوە پێوەری ئاو نەبەستم، هۆكارەكەیشی ئەوەیە كە رۆژانە فڕوفێڵی پارە كۆكردنەوەی لە پێوەری ئاو لە سۆشیال میدیا بڵاودەبێتەوە كەچی تا ئێستا بەرپرسێكی حكوومەت نەهاتووە روونكردنەوە بدات، لەگەڵ ئەوەش دەبێت بۆ میللەت روونبێتەوە كە ئەم كۆمپانیایە هی كێیە و پێوەرەكە لە كوێ دروست دەكرێت.

وتیشی “لەگەڵ ئەوەشدا مانگانە پارەیەكی زۆر بۆ هاووڵاتییان دێتەوە و خەڵكیش لە دۆخێكی خراپی داراییدایە و ناتوانێت ئەو بڕە پارەیە بدات و لەماوەی چەند مانگێكدا هەمووی لەسەر شانی دەبێتە قەرز و ئەوكات حكوومەت ناچارە ئاوەكەی ببڕێت، لەم حاڵەتەشدا خەڵك بەدیل دەبینێتەوە ئەویش ئەوەیە كە كونكردنی بۆری ئاو لە كۆڵانەكان زیاد دەبێت و خەڵك دەبێتە خاوەنی دوو ئاو و ئەمەش جارێكی دیكە كێشەی بۆ پێداویستی رۆژانەی هاووڵاتییان دروست دەكات”.

لای خۆشیەوە ئاری ئەحمەد بەڕێوەبەری گشتی ئاوی هەرێم بە SNNی راگەیاند: راستە لەوانییە هاووڵاتـیان لەبەرە ئەوەی ئەو پسولەیەی كە وەری دەگرن روونكردنەوەی تەواوی تێدا نەبێت بۆیە نیگەرانن وە مافی خۆشیانە كەوا نیگەرانبن، بەڵام ئێمە بە نوسراوی فەرمانی كۆمپانیاكەمان ئاگاداركردۆتەوە لە داهاتوو پسوولەکەی تەواو و روونكردنەوەی پێویستی تێدابێت بۆ ئەوەی لای هاووڵاتی روونبێت بڕی پارەكە هیی چەند مانگەو وە چۆنیش هەژماركراوە، ئەو كاتە ئەگەر هاووڵاتیان گلیەیان هەبوو دەتوانن سەردانی نزیكترن بەڕێوەبەرایەتی ئاوی ناوچەكە بكەن و بۆ ئەوەی روونكردنەوەی تەواویان بۆ بدات.

ماوەی چەند ساڵێكە پێوەری ئاوی ماڵان لەلایەن چەند كۆمپانیایەكەی كەرتی تایبەت دانراوە هەر لەگەڵ دانانیشی تاوەكو ئێستا كێشەو گرفتەكانی ئەو پێوەرە تەواو نەبووە چەندین جاریش لیژنەی بۆ پێكهێندراوە، بەڵام نیگەران نارەزایەتی هاووڵاتـیان دژی خراپی پێوەرەكەو سیستەمەكە بەردەوامی هەیە.

بەشی بکە لە
Previous Next
Close
Test Caption
Test Description goes like this