سیستمی فره‌بازنەی زیان بە كورد دەگەیه‌نێت لە ناوچە كێشە لەسەرەكان

0
65
هه‌ڵبژاردن له‌ عێراق | فۆتۆ: SNN

SNN – بڕیار محەمەد
شارەزایەكی بواری هەڵبژاردنەكان رایده‌گه‌یه‌نێت: ئەو سیستمە فرەبازنەییەی لە پرۆسەی هەڵبژاردنەكانی ساڵی داهاتووی عێراقدا جێبەجێ دەكرێت لە ناوچە كێشە لەسەرەكان زیان بە كورد دەگەیه‌نێت، ده‌شڵێت: “پێویستە كورد ئامادەكاری تەواوى پێشوەختە بكات”.

هێمن ئەسكەندەر، شارەزای بواری هەڵبژاردنەكان لە هەرێمی كوردستان لەبارەی زیانەكانی سیستمی فرەبازنەیی لە هەڵبژاردنەكانی داهاتووی عێراق بۆ كورد بە SNNی راگەیاند: ” لەراستیدا سیستمی فرەبازنەی لە هەرێمی كوردستان هیچ زیانێك بە كورد و لایەنە سیاسیيەكان ناگەیه‌نێت، چونكە هەر وەكو پێشترە، بەڵام مەترسییەكان زیاتر لەسەر كەركوك و موسڵ و ناوچە كێشە لەسەرەكانی دیكەیە، لەوێ ئەگەر ئەو سیستمە پەیرەو بكرێت ئەوا دەنگەكانی كورد پەرتەوازە دەبێت”.

وتیشی: “پێویستە تەواوی لایه‌نە سیاسییەكان ئامادەكاری پێشوەختە بكەن و كۆدەنگییەك دروستبكەن ئەو كاتە بچنە نێو پرۆسەكە بۆ ئەوەی بتوانن لە پرۆسەكەدا سەركەوتووبن، بەڵام بەو دۆخەی ئێستا لایەنە سیاسیيەكان بچنە نێو پرۆسەكە بێگومان دەنگەكانیان پەرتەوازە دەبێت و ئەو كاتە زیانێكی زۆر بە كورد دەكەوێت لەو ناوچانه‌دا”.

لەئێستادا گەورەترین ئاستەنگ لەبەردەم ئەنجامدانی هەڵبژاردنی پێشوەختە یاسای نوێی هەڵبژاردنەكانە كە لە ساڵی رابردووەوە لە ئەنجوومەنی نوێنەرانی عێراقە و بەهۆی ناكۆكی نێوان لایەنە سیاسییەكانەوە لەسەر ناوەڕۆكی پڕۆژەیاساكە بە تایبەتیش فرەبازنەیی، تا ئێستا پەسەند نەكراوە.

هەروەها بەپێی ئامارەكانی كۆمسیۆنی باڵاى سه‌ربه‌خۆى هەڵبژاردنەكانی عێراق، لە كۆی 26 ملیۆن و 642 هەزار و 85 دەنگدەر، تاوەكو ئێستا 15 ملیۆن و 205 هەزار و 648 دەنگدەر لەڕێگەی بایۆمەترییەوە تۆماركراون، هەروەها 14 ملیۆن و 446 هەزار و 914 كارتی درێژخایەنی بایۆمەتریش چاپكراون، لەو ژمارەیەش 10 ملیۆن و 979 هەزار و 77 كارت دابەشكراون.

بەشی بکە لە
Previous Next
Close
Test Caption
Test Description goes like this