هه‌ولێر خولی نایابی به بردنه‌وه دستیپێكرد
دیمەنێک لە یاریەکە
SNN Sport
ئه‌مرۆ ( دووشه‌ممه 26-10-2020) یانه‌ی هه‌ولێر سه‌ركه‌وتوو بوو له ده‌ستەبه‌ركردنی سه‌ركه‌وتنێكی گه‌وره به بردنه‌وه‌ی له یانه‌ی به‌غدادی میوانداری به ئه‌نجامی 2- سفر كه له میانه‌ی یارییه‌كانی گه‌ڕی یه‌كه‌می خولی تۆپی پێی نایابی عێراق و له یاریگای به‌غداد به‌رێوه‌چوو .
گۆڵه‌كانی یانه‌ی هه‌ولێر یاریزانان شێركۆ كه‌ریم له خوله‌كی 72 و بارزان شێرزاد له خوله‌كی 77 یاریه‌كه تۆماریان كرد .
له یارییه‌كی تری هه‌مان گه‌ڕ کە له هه‌مان كاتدا به‌رێوه‌چوو، یانه‌ی نه‌وت له یانه‌ی سه‌ناعات كاره‌باییه‌ی برده‌وه به دوو گۆڵی خاوێن .
