لەبەغدا هەڕەشە لە شوفێرانی كورد دەكرێت

0
67

SNN- بڕیار محەمەد

هەڕەشە لە شۆفێرانی كوردی هێڵی هەولێر- بەغدا دەكرێت و ڕێگەیان پێنادرێت سەرنشین بێننەوە هەولێر، شۆفێرانی كوردیش دەڵێن: “ئەوانیش لەمڕۆوە ڕێگە نادەن شۆفێرانی بەغدا سەرنشین لە هەولێرەوە بگوازنەوە بۆ بەغدا”.

سەركەوت عەبدولقادر، بەرپرسی هێڵی تەكسییەکانی هەولێر- بەغدا بەSNNی ڕاگەیاند: ئێمە نزیكەی 150 شۆفێری كورد دەبین، كە هێڵی فەرمیمان هەیە، بەڵام لە بەغدا هەندێك شۆفێر كە هێڵیان نییە، دێن و لە بەرچاوی ئێمەوە سەرنشین سەردەخەن، هەڕەشەمان لێدەكەن و پێماندەڵێن چیتان نەكردووە بڕۆن بیكەن.

وتیشی: “لەبەرئەوەی ئێمە كوردین لە بەغدا گوێمان لێناگیرێت و پێشێلكاریمان بەرامبەر دەكرێت، بۆیە لە بەیانییەوە ڕێگە نادەین ھیچ ئۆتۆمبێلێكی جۆری جی ئێم سی سەرنشین لە ھەولێرەوە بگوازێتەوە بۆ بەغدا، بەھەمان شێوەش شۆفێرەكانی ئێمە سەرنشین لە بەغداوە نەھێننەوە بۆ هەولێر”.

ئەوەشی خستەڕوو: لەلایەن چەند كەس و گروپێكەوە لە نەقڵیاتی شاری بەغدا ڕێگەمان پێنادرێت ھیچ سەرنشینێك بھێنینەوە ھەولێر و ئەوانەی كە ڕێگریمان لێدەكەن شوفێرەكانی ئۆتۆمبێلی جی ئێم سین، كە سەرجەمیان بە ڕەگەز عەرەبن و زۆرترین سوكایەتیشمان پێدەكەن”.

بەشی بکە لە
Previous Next
Close
Test Caption
Test Description goes like this