غالب محەمەد: تەنیا ئەو پەرلەمانتارانە نوێنەری گۆڕانن كە دوێنێ‌ نه‌چوونه‌ ناو كۆبوونه‌وه‌ى په‌رله‌مان

0
106
غالب محەمەد، ئەندامى ئەنجوومەنى نوێنەرانى عێراق | فۆتۆ: SNN

SNN – عەلی حەمە سەعید
ئه‌ندامێكى ئه‌نجوومه‌نى نوێنه‌رانى عێراق رایده‌گه‌یه‌نێت: ته‌نیا ئه‌وانه‌ نوێنه‌رى راسته‌قینه‌ى گۆڕانن كه‌ دوێنێ نه‌چوونه‌ كۆبوونه‌وه‌ى په‌رله‌مان، ئاماژه‌ به‌وه‌شده‌كات: “هیواخوازم ئه‌ندام په‌رله‌مانه‌كانى تریشمان ده‌نگى خۆیان بخه‌ پاڵ ده‌نگى ئه‌وان”.

دوێنێ سێشه‌ممه‌ كۆبوونه‌وه‌ى په‌رله‌مانى كوردستان سه‌باره‌ت به‌ پرساندنى سه‌رۆكى حكومه‌تى هه‌رێم و جێگره‌كه‌ى و وه‌زیرى دارایی به‌ڕێوه‌چوو، سێ په‌رله‌مانتارى بزووتنه‌وه‌ى گۆڕان به‌شدارى كۆبوونه‌وه‌كه‌یان نه‌كرد، له‌دواى كۆبوونه‌وه‌كه‌ كه‌ پرساندنى ستافى حكومه‌تى هه‌رێم تێیدا كۆتایی هات و به‌ ده‌نگى 81 په‌رله‌مانتار پرسه‌كه‌ كۆتایی پێ هێنرا، گوڵستان محه‌مه‌د، سه‌رۆكى فراكسیۆنى گۆڕان رایگه‌یاند: ئێمه‌ وه‌ك فراكسیۆنى گۆڕان بە وەڵامەكانی حكومەت رازین و پێمانوایه‌ پێویست ناكات بابەتی لێسەندنەوەی متمانە بخرێتە بەرنامەى كار.

له‌و باره‌یه‌وه‌ غالب محەمەد، پەرلەمانتاری بزووتنەوەی گۆڕان لە ئەنجوومەنی نوێنەرانی عێراق بە SNNی راگەیاند: “بەداخەوە ئەوەی دوێنێ‌ لە پەرلەمانی كوردستان روویدا نەدەبوو رووبدات، چونكە هەر ئەندام پەرلەمانێك دوێنێ‌ دەنگی بەو پرۆژەیەدا كە بابەتی پرساندنی سەرۆكی حكومەت دابخرێت ستەمی لە دەنگدەرەكانی خۆی و خەڵكی هەرێمی كوردستان كرد”.

وتیشى :”ئەوەی جێگەی دڵخۆشییە دوێنێ‌ چوار ئەندامی فراكسیۆنی گۆڕان لە پەرلەمانی كوردستان دەنگیان نەدا و بەشداری دانیشتنەكەی پەرلەمانیان نەكرد، بۆیە ئەمانە نوێنەری راستەقینەی گۆڕانن لە پەرلەمان و خۆیان بە شوێنەكەوتووی رێبازی نەوشیروان مستەفا دەزانن، پێچه‌وانه‌كه‌شى راسته‌، داوادەكەم لە ئەندام پەرلەمانەكانی دیكەی گۆڕان دەنگی خۆیان بخەنە پاڵ دەنگی ئەو چوار ئەندام پەرلەمانە بۆ ئەوەی گۆڕان بگەیەننەوە بەو ئاستەی كە جاران هەیبوو”.

بەشی بکە لە
Previous Next
Close
Test Caption
Test Description goes like this