بارى ته‌ماته‌ى خراپ جوڵه‌ى بازرگانى لە مەرزی پەروێزخان راگرتووە

0
61

SNN-سیروان حه‌سه‌ن 

له‌ مه‌رزى په‌روێزخان به‌هۆى 46 بارى ته‌ماته‌ى خراپبوو كه‌ له‌ پشكنین ده‌رنه‌چووه،‌ شۆفێران ناڕه‌زایی ده‌رده‌بڕن له‌سه‌ر ئه‌وه‌ى نه‌ ئێران وه‌ریده‌گرێته‌وه‌ و نه‌ له‌ مه‌رزه‌كه‌ش ته‌له‌ف ده‌كرێت و به‌هۆیه‌وه‌ جوڵه‌ى بازرگانیان وه‌ستاندوه‌. 

ناسر مه‌جید شۆفێر له‌ مه‌رزى په‌روێزخان به SNNى راگه‌یاند؛ ماوه‌ى هه‌فته‌یه‌ك نزیكه‌ى 46 بارى ته‌ماته‌ كه‌ له‌ وڵاتى ئێرانه‌وه‌ هاوردە كراوه‌ له‌ مه‌رزى په‌روێزخان راگیراون ئه‌مه‌ش به‌هۆى ئه‌وه‌ى له‌ پشكنین ده‌رنه‌چووه‌ و رێگه‌ى پێنه‌دراوه‌ بێنه‌ هه‌رێمى كوردستانه‌وه‌.

وتیشى: وه‌كو شوفێرانى بارهه‌ڵگره‌كان دوێنێ ناڕه‌زاییان ده‌ربڕی و مه‌رزه‌كه‌یان له‌ جوڵه‌ى بازرگانى راگرت، چونكه‌ بارهه‌ڵگره‌كانیان له‌ مه‌رزه‌كه‌ راگیراوه‌ و ته‌ماته‌كه‌ ئێران وه‌ریناگرێته‌وه‌ و كاربه‌ده‌ستانى مه‌رزه‌كه‌ ته‌له‌فى ناكه‌ن و ئه‌مه‌ش بووه‌ته‌ هۆى له‌كاركه‌وتنى ئۆتۆمبیله‌كانیان كه‌ هه‌موویان كاسبكارن.

ئه‌وه‌شى خسته‌ڕوو: تاوه‌كو ئێستا كێشه‌كه‌ وه‌كو خۆى ماوه‌ته‌وه‌ چاره‌سه‌ر نه‌كراوه‌ و ئه‌مڕۆش ده‌وامى مه‌رز نه‌بووه‌ و جوڵه‌ى بازرگانى وه‌ستاوه‌.

سه‌رچاوه‌یه‌ك له‌ مه‌رزى په‌روێزخان به‌  SNNى راگه‌یاند: دوێنێ شاندێك له‌ وڵاتى ئێرانه‌وه‌ بۆ چاره‌سه‌رى ئه‌و گرفته‌ هاتوونه‌ته‌ مه‌رزى په‌روێزخان له‌ سه‌ر باره‌ ته‌ماته‌كان و هه‌روه‌ها مریشكى به‌ستوو قسه‌یان كردووه‌ و بڕیار وایه‌ چاره‌سه‌رى گرفته‌كه‌ بكه‌ن و پێده‌چێت ئه‌و باره‌ ته‌ماتانه‌ بگه‌ڕێندرێنه‌وه‌ وڵاتى ئێران.

سه‌باره‌ت به‌وه‌ى ئه‌مڕۆ بۆچى ده‌وام له‌ مه‌رزى په‌روێزخان نه‌بووه‌، وتى په‌یوه‌ندى به‌ یادى له‌ دایكبوونى پێغه‌مبه‌رى ئیسلامه‌وه‌ هه‌یه‌.

بەشی بکە لە
Previous Next
Close
Test Caption
Test Description goes like this