“به‌رپرسانى یه‌كێتى كێشه‌ى هاتووچۆى رێگای کفری-بەغدایان چاره‌سه‌رکرد”

0
64

SNN-سیروان حه‌سه‌ن

دواى ئه‌وه‌ى سوپاى عێراق بازگه‌ى كارێزه‌ له‌ نزیك كفرى به‌ رووى هاتووچۆى بازرگانى و ئۆتۆمبیلى بارهه‌ڵگر داخست و شۆفێران نیگه‌رانیان ده‌ربڕى، له‌ رێگه‌ى به‌رپرسانى یه‌كێتییه‌وه‌ توانراوه‌ بازگه‌كه‌ بكرێته‌وه‌ و كێشه‌كه‌ چاره‌سه‌ر بكرێت.

پۆڵا تاڵه‌بانى به‌رپرسى مه‌ڵبه‌ندى گه‌رمیانى یه‌كێتى نیشتیمانى كوردستان به‌ SNNى راگه‌یاند: ماوه‌یه‌كه‌ رێگاى كارێزه‌ له‌ كفرى له‌ لایه‌ن حكوومه‌تى عێراقه‌وه‌ به‌ رووى ئۆتۆمبیلى بارهه‌ڵگر داخراوه‌ دواى هه‌وڵێكى زۆر له‌گه‌ڵ حكوومه‌تى عێراق رێگاكه‌یان كردووه‌ته‌وه‌ به‌ رووى شۆفێران و كاسبكاران.

وتیشى: سوپاسى هه‌موو ئه‌و به‌رپرسانه‌ى یه‌كێتى له‌ به‌غدا و له‌ هه‌رێم ده‌كه‌ین هاوكارمان بوون بۆ كردنه‌وه‌ى ئه‌و رێگایه‌، چونكه‌ له‌ رووى بازرگانییه‌وه‌ زۆر گرنگه‌ بۆ سنوورى كفرى و گه‌رمیان.

ماوه‌یه‌كه‌ بازگه‌یه‌كى سوپاى عێراق له‌ نزیك كفرى رێگا به‌ هاتووچۆكردنى ئۆتۆمبیلى بارهه‌ڵگر ناده‌ن له‌ كوردستانه‌وه‌ به‌ره‌و ناوچه‌كانى ناوه‌ڕاست و باشوورى عێراق بڕۆن.

پێشتر شۆفێرێك به‌ SNNى راگه‌یاند؛ نزیكه‌ى دوو هه‌فته‌یه‌ له‌ بازگه‌ى كارێزه‌ى نزیك كفرى سوپاى عێراق رێگه‌ ناده‌ن باره‌كانیان بگوازنه‌وه‌ بۆ شاره‌كانى عێراق و ناچاریان ده‌كه‌ن به‌ دیاله‌وه‌ هاتووچۆ بكه‌ن. هاتووچۆكردن له‌ دیاله‌ش جگه‌ له‌وه‌ى رێگاكه‌یان دورده‌خاته‌وه‌ 210 هه‌زار به‌رتیلیشیان لێ وه‌رده‌گیرێت.

بەشی بکە لە
Previous Next
Close
Test Caption
Test Description goes like this