نوێترین زانیاری لەبارەی دابەشكردنی مووچەی ئەم مانگە

0
221

SNN-عەلی حەمە سەعید

لەگەڵ ئەوەی تا ئێستا بەغدا دەستی بەدابەشكردنی مووچەی فەرمانبەرانی خۆی نەكردووە و هاوكات دیاریش نییە كەی دەستبەدابەشكری مووچە دەكات، ئەمە بووەتە هۆی ئەوەی ناردنی 320 ملیار دینارەكەش بە نادیاری بمێنێنەوە، بەرپرسێكی وەزارەتی دارایش ئاشكرایدەكات ئەگەر فەرمانبەرانی پەروەردە و تەندروستی فشارەکانیان بۆسەر حكومەت زیاتر بكەن بە ناچاری مووچەی ئەو دوو وەزارەتە بە لێبڕینی زیاد لە%21 دابەشدەكرێت.

بە گوێرەی ئەو زانیارییانەی كە لە بەرپرسێكی سەر بە وەزارەتی دارایی بە SNN دراون ئەوە خراوەتەڕوو، تا ئێستا لەلایەن گەنجینەكانی سەر بە وەزارەتی داراییەوە داوا لە یەكە ژمێریارییەكانی هیچ وەزارەتێك نەكراوە بۆ ئامادەكردنی لیستی مووچەی ئەم مانگە، چونكە هێشتا داهاتی پێویست بۆ دابەشكردنی مووچە لەبەردەست نییە و هێشتا یەكلاش نەبووەتەوە ئاخۆ ئەم مانگە بەغد 320 ملیار دەنێرێت یاخود نا.

ئاماژەی بەوەشكرد، “لە دابەشكردنی مووچەی مانگی پیشوو كە نزیكەی 60 رۆژی خایاند حكومەت لە ڕێگەی داهاتی ناوخۆوە زیاد لە 500 ملیار دیناری كۆكردەوە و بە ناردنی 320 ملیارەكەش حكومەت توانی بە لێبڕینی لە%18 مووچە دابەش بكات، بەڵام بۆ ئەم مانگە هێشتا نیوەی ئەو داهاتە كۆنەكراوەتەوە، لە لایەكی دیكەشەوە تەقاندنەوەی بۆری نەوتی هەرێم گرفتی دارایی بۆ حكومەت دروست دەكات و دابەشكردنی مووچە هێندەی دیكە گرفتی بۆ دروست دەبێت”.

ئەو بەرپرسەی وەزارەتی دارایی لەوە دڵنیا بوو كە دابەشكردنی مووچەی ئەم مانگەش نزیك دەبێتەوە لە 60 ڕۆژ لێبرینی زیاتر دەبێت لە مانگی ڕابردوو چونكە لەلایەك حكومەت داهاتی ناوخۆی كەمیكردووە لەلایەكی دیكەش حكومەت ئەوەی ڕاگەیاندووە كە پێویستی بە زیاد لە 400 ملیار دینارە بۆ چاككردنەوەی بۆریەنەوتییەكە بۆیە هەموو ئەگەرەكان ئەوەن كە پێدەچێت حكومەت بە گوێرەی پارەی بەردەستی بە لێبڕینی زیاتر لە %21 بەناچاری دەست بەدابەشكردنی مووچەی وەزارەتی تەندروستی و ناوخۆ و پەروەردە بكات ئەوەش بەمەرجێك ئەگەر فشارەكانی فەرمانبەرانی هەردوو وەزارەتی تەندروستی و پەروەردە لەسەر حكومەت زیاد بكەن.

بەشی بکە لە
Previous Next
Close
Test Caption
Test Description goes like this