ئەگەر كۆرۆنا بەم شێوەیە بەردەوام بێت چارەنووسی پڕۆسەی خوێندن بە كوێ‌ دەگات

0
329

SNN-عەلی حەمە سەعید

لەگەڵ ئەوەی بە بەراورد بەساڵانی ڕابردوو ئەمساڵ پرۆسەی دەستپێكردنەوەی خوێندن لە زۆربەی شارو شارۆچكەكانی هەرێم زیاد لە دوو مانگە دەستپێنەكردووەتەوە، هێشتا دیاریش نییە ئاخۆ بڵاوبوونەوەی ڤایرۆسی كۆرۆنا ڕێگە دەدات بە كردنەوەی ناوەندەكانی خوێندن، بەڵام بەرپرسێكی پەروەردە ئاماژە بەوە دەكات ئەگەر ئەم دۆخە بەردەوام بێت ناچارین بە یەك وەرزی خوێندن بڕیار لەسەر ساڵێكی خوێندن بدەین.

عومەر محەمەد، بەڕێوەبەری پەروەردەی ڕۆژهەڵات لە سنووری بەڕێوەبەرایەتی گشتی پەروەردەی سلێمانی بە SNNی ڕاگەیاند: بڕیاردان لەسەر چارەنووسی پڕۆسەی خوێندنی ئەمساڵی قوتابیان و خوێندكاران لە ناوەندەكانی خوێندن لە دەستەڵاتی وەزیرو ئەنجومەنی وەزارەتی پەروەردەدایە، چونكە ئەم بابەتە لە چوارچێوەی دانانی بەرنامە و پلان دەرچووە نازانین دۆخی بڵاوبوونەوەی ڤایرۆسی كۆرۆنا بەرەو كوێ‌ دەڕوات تا ئێمەش بەرنامە و پلانی بۆ دابنێین و بڵێن لەو وادەیەدا دەرگای ناوەندەكانی خوێندن دەكەینەوە.

ئاماژەی بەوەشكرد، لە ئێستادا كە بڕیاردراوە تا 1/12/2020 دەرگای ناوەندەكانی خوێندن داخراوە ئەمە بەومانایە نایەت كە لەدوای ئەو وادەیە دەگای ناوەندەكانی خوێندن دەكرێنەوە، بەڵكوو كێ‌ دەڵێت دۆخەكە بەرەو خراپتر ناڕوات و ناچارنابین بڕیارێكی دیكەی لەم شێوەیە بدەین بەڵام هیوادارین كە نەگەینە ئەو بڕیارە كە جارێكی دیكە بڕیار لەسەر درێژەدان بە داخستنی ناوەندەكانی خوێندن بدەین.

ئەو بەرپرسەی پەروەردە ئەوەشی خستەڕوو، ئەگەر ئەم دۆخەی ئێستا هەروا بەردەوام بێت و بڵاوبوونەوەی كۆرۆنا لە زۆربووندا بێت، ئەوا هاوشێوەی ساڵی ڕابردوو دەكرێت ساڵێكی خوێندن بە خوێندنی وەرزێكی خوێندن بڕیاری لەبارەوە بدرێت، بەڵام ئەمە هۆكارە بۆ درووستبوونی خەڵكانێكی نەخوێندەوار لە داهاتوودا بەتایبەت بۆ قوتابیانی پۆلی یەك و دووی بنەڕەتی، بۆیە خوازیارین نەگەینە ئەو ئاستە دۆخەكە بەرەو ئاسایی بوونەوە بڕوات.

بەشی بکە لە
Previous Next
Close
Test Caption
Test Description goes like this