کەلار.. نزیکەی سێ تەن خۆراکی ماوەبەسەرچوو دەستی بەسەرداگیراوە

0
383

سیروان حەسەن-SNN
لە ماوەی مانگێکدا زیاتر لە دوو تەن و نیو خۆراکی خراپ و ماوە بەسەرچوو لە شاری کەلار لە لایەن لیژنە هاوبەشەکانەوە دەستی بە سەردا گیراوە و تەلەف کراوە.
قایمقامیەتی قەزای کەلار ئەمڕۆ لە راگەیەندراوێکدا بڵاویکردووەتەوە: بە سەرپەرشتی قایمقامی قەزای کەلار، لیژنە هاوبەشەکانی قایمقامیەتی قەزای کەلار، شەو و ڕۆژ سەردان و پشکنین و بەدواداچوون لە شاری کەلار ئەنجام دەدەن لە سنووری قەزای کەلاری ناوەندی ئیدارەی گەرمیان.
لەو چوارچێوەیەدا لە ماوەی مانگی رابردوودا (272) هەڵمەتی پشکنین بەڕێوەچووە و تیایدا (2) هەزار و(455) شوێنکار سەردان و پشکنینان بۆ کراوە .
لەو ژمارەیەش (95) شوێنکار بە هۆی سەرپێچی و پابەندنەبوون بە رێنماییەکان پسولەی سزادانیان بۆ کراوە و بە پێی رێنماییەکان سزا دراون.
هاوکات هەر لەو مانگەدا (2) تەن و (650) کیلۆ خۆراکی خراپ و بەسەرچوو دەستی بەسەرداگیراوە و تەلەف کراوە.

 

بەشی بکە لە
Previous Next
Close
Test Caption
Test Description goes like this