پێكدادان له‌نێوان گه‌ریلا و هێزه‌كانى پێشمه‌رگه‌ روویدا: بریندار هه‌یه‌

0
707

SNN
به‌یانى ئه‌مڕۆ له‌سنوورى قه‌زاى چه‌مانكێ سه‌ربه‌ ئامێدى پێكدادان له‌نێوان گه‌ریلاكانى پارتى كرێكارانى كوردستان و هێزه‌كانى پێشمه‌رگه‌ روویدا، به‌پێى زانیارییه‌ سه‌ره‌تاییه‌كانیش، “سێ پێشمه‌رگه‌ برینداربوون”.

په‌یامنێرى SNN له‌ ئامێدى رایگه‌یاند: “له‌ كاتژمێر 9:00ى به‌یانى ئه‌مڕۆوه‌ تاوه‌كو كاتژمێر 11:00ى ئه‌مڕۆ له‌ ناحیه‌ى چه‌مانكێ سه‌ربه‌ ئامێدى له‌ پارێزگاى دهۆك پێكدادان له‌نێوان گه‌ریلاكانى پارتى كرێكارانى كوردستان و هێزه‌كانى پێشمه‌رگه‌، به‌ته‌واوه‌تى له‌ دوورى شه‌ش كیلۆمه‌تر له‌ سه‌نته‌رى ناحیه‌كه‌وه‌ روویدا”.

وتیشى: “شه‌ڕه‌كه‌ چه‌كى قورسى تێدا به‌كارهاتووه‌ و به‌هۆیه‌وه ‌سێ پێشمه‌رگه‌ برینداربوون برینداربوون و برینى یه‌كێك له‌ پێشمه‌رگه‌كان سه‌خته‌
،له‌ ئێستاشدا هاتووچۆ له‌ناو ناحیه‌كه‌ وه‌ستاوه‌ و هاووڵاتییان به‌هۆى گرژییه‌كانه‌وه‌ ناتوانن له‌ ماڵه‌كانیان بێنه‌ ده‌ره‌وه‌”.

پێكدادانى نێوان هێزه‌كانى پێشمه‌رگه‌ و گه‌ریلاكانى په‌كه‌كه‌ له‌دواى ئه‌و لێدوانه‌ دژبه‌یه‌كان دێت كه‌ هه‌ریه‌كه‌ له‌ پارتى دیموكراتى كوردستان و پارتى كرێكارانى كوردستان له‌سه‌ر ئاستى باڵا ماوه‌یه‌كه‌ ده‌یده‌ن.

بەشی بکە لە
Previous Next
Close
Test Caption
Test Description goes like this