“فرۆشى فه‌رش ئه‌مساڵ بۆ نیوه‌ كه‌مبووه‌ته‌وه‌”

0
418

SNN – هه‌ڵكه‌وت سه‌روه‌ت
فرۆشیارێكى فه‌رش له‌ شارى سلێمانى رایده‌گه‌یه‌نێت: هه‌رچه‌نده‌ نرخى فه‌رش هیچ گۆڕانكارى به‌سه‌ر نه‌هاتووه‌، به‌ڵام فرۆشمان بۆ نیوه‌ كه‌مكردووه‌ته‌وه‌، كڕیارێكیش ده‌ڵێت: هه‌رچه‌نده‌ حه‌زم له‌ فه‌رشه‌، به‌ڵام به‌هۆى بێ پاره‌ییه‌وه‌ كومبار ده‌كڕم”.

زریان عیسا، فرۆشیارى فه‌رش له‌ سلێمانى له‌باره‌ى بازاڕى فه‌رش و رێژه‌ى فرۆشیانه‌وه‌ به‌ SNNى راگه‌یاند: “ئێستا كه‌ وه‌رزى پایزه‌ زۆرترین فرۆشمان هه‌یه‌، واته‌ ساڵانه‌ فرۆشى ئێمه‌ له‌م وه‌رزه‌دایه‌، به‌ڵام به‌داخه‌وه‌ ئه‌مساڵ قه‌یرانى دارایی زۆر زیانى پێ گه‌یاندووین، به‌شێوه‌یه‌ك رێژه‌ى فرۆشمان بۆ نیوه‌ كه‌مبووه‌ته‌وه‌”.

وتیشى: “ئه‌مساڵ به‌ هیچ شێوه‌یه‌ك نرخمان به‌رزنه‌كردووه‌ته‌وه‌، هاوشێوه‌ى پاره‌، به‌ڵام به‌داخه‌وه‌ به‌و حاڵه‌شه‌وه‌ هه‌ر فرۆشمان داده‌به‌زێت”.

له‌باره‌ى ئه‌وه‌ى ئه‌مساڵ بازاڕى چ جۆره‌ فه‌رشێك زیاتره‌؟ زریان عیسا ئاشكرایده‌كات: “ئه‌مساڵ به‌هۆى به‌رزى نرخه‌كه‌یه‌وه‌، فه‌رش بازاڕى كه‌متره‌، به‌پێچه‌وانه‌شه‌وه‌ كومبار بازاڕى زۆرتره‌ له‌به‌ر ئه‌وه‌ى نرخه‌كه‌ى كه‌متره‌”.

هه‌ره‌ له‌وباره‌یه‌وه‌ نوخشه‌ محه‌مه‌د، كڕیاری فه‌رش له‌ سلێمانى به‌ SNNى راگه‌یاند: “من زۆر حه‌زم له‌ فه‌رشى ئێرانییه‌، به‌ڵام به‌هۆى ئه‌وه‌ى نرخه‌كه‌ى به‌رزه‌، ناتوانم بیكڕم، ناچارم كومبار بكڕم”.

بەشی بکە لە
Previous Next
Close
Test Caption
Test Description goes like this