هەڵبژاردنەكانی ئەمەریكا چ کاریگەرییەکی لەسەر بەهای تمەن دەبێت

0
903

SNN-عەلی حەمە سەعید

لەگەڵ ئەوەی هێشتا یەكلا نەبووەتەوە بۆ چوارساڵی داهاتوو ئاخۆ كۆمارییەكانی ئەمەریكا دەستەڵات دەگرنە دەست یاخود دیموكراتەكان، نرخی تمەنی ئێرانی ماوەی دوو ڕۆژە گۆڕانكاری زۆری بەسەردا هاتووە و تا ڕادەیەك نرخی تمەن بەرزبووتەوە، چاودێران و شارەزایانی بازاڕی دراوە بیانییەكانیش ئاماژە بەوەدەكان هەڵبژاردنەكانی ئەمەریكا دۆخێكی ئاڵۆزی هێناوەتە كایەو ناتوانین پێشبینی بكەین.

ڕەوەز میرزا، شارەزا لە كاروباری دراوە بیانیەكان و دوكاندار لە بازاڕی دۆلارەكەی سلێمانی بە SNNی ڕاگەیاند: بەڕێوەچوونی هەڵبژاردنەكانی ئەمەریكا بازاڕی دۆلارەكەی سلێمانیشی بەخۆیەوە سەرقاڵ كردووە و لەگەڵ هەرموو زیاد بوون و كەمبوونەوەیەكی دەنگەكانی دۆناڵد ترەمپ بەرزبوونەوە و نزم بوونەوەش لە نرخی دۆلار و تمەن دێتە كایەوە، بەجۆرێك ئەگەر جۆو بایدن لە پێش بێت نرخی تمەن بەرز دەبێت و ترەمپیش لە پێش بێت تمەن زیاتر دادەبەزێت.

ئاماژەی بەوەشكرد، لە دوێنێوە كە دەنگەكانی جۆو بایدن بەرەو زیاتر و بەرزبوونەوە دەچن، نرخی تمەنیش بەرز بووەتەوە بە جۆرێك دوینێ‌ هەر 100 دۆلار بەرامبەر بوو بە دوو ملیۆن و 800 هەزار تمەن، بەڵام ئەمڕۆ 100 دۆلار بەرامبەرە بە دوو ملیۆن و 500 هەزار تمەن لە دوێنێوە تا ئەمڕۆ 300 هەزار تەمەن بەرامبەر هەر 100 دۆلار بەرز بوونەوەی بەخۆیەوە بینیوە.

ئەو شارەزایەی بواری دراوە بیانییەكان ئەوەشی خستەڕوو، ئەم هەڵبژاردنەی ئەمەریكا و نزیكی ئەنجامەكانی ترەمپ و بایدن لەیەك دۆخێكی ئاڵۆزیشی لە بازاڕی دراوەكان بەدوای خۆیدا هێناوە بەجۆرێك ناتوانین پێبینی بكەین تمەن زیاتر بەرز دەبێتەوە یان نزم دەبێتەوە، بەڵام لە هەموو حاڵەتەكاندا ئەوە یەكلا بووەتەوە كە سیاسەتی ئەمەریكا گۆڕانكارییەكی ئەوتۆی بەسەردا نایەت بەرامبەر بە ئێران ئەگەر توندتریش نەبێت، لەبەرامبەرشدا بەرپرسانی ئێرانیش بۆ خۆیان ئەو ڕاستیە باش دەزانن، بەڵام ئەوە خەڵكی لای ئێمەیە خۆیان كردووە بە شیكەرەوەی سیاسی و لێكدانەوە بۆ ئەگەركان دەكەن.

بەشی بکە لە
Previous Next
Close
Test Caption
Test Description goes like this