خامنەئی: بەردەوام دەبین لە سیاسەتەکانمان بە بێ گوێدانە سەرۆکی ئەمریکا

0
143

SNN

رابەری باڵای کۆماری ئیسلامی ئێران رایگەیاند: بەردەوام دەبین لە سیاسەتەکانمان بەبێ گوێدانە ئەوەی کێ دەبێتە سەرۆکی ئەمریکا.

عەلی خامنەئی لە تویتێکیدا توانجی لە هەڵبژاردنەکەی ئەمریکا داوە و وتوویەتی: ”چ نمایشێكە! سەرۆکی ئەمریکا دەڵێت، زۆرترین ساختەكاریی لە هەڵبژاردنەكانی ئەمریكا لەمجارەدا كرا، لەبەرامبەریشدا رکابەرەکەی (جۆو بایدن) دەڵێت ترەمپ بەنیازە ساختەکاری لە هەڵبژاردنەکەدا بکات، ئەمە هەڵبژاردن و دیموکراسیەتە لای ئەمریکا”.

خامنەئی وتوویەتی: ”بۆ ئێران هیچ جیاوازییەك نییە كێ‌ لە هەڵبژاردنەكاندا براوەدەبێت، ئێران بەردەوام دەبێت لەسەر سیاسەتەكانی خۆی بەبێ‌ ڕەچاوكردنی ئەوەی سەرۆكی داهاتووی ئەمریكا كێ‌ دەبێت، چونكە سیاسەتەكانمان بەرنامە بۆداڕێژراوە بەرانبەر بە ئەمریكا و گۆڕانكاریی بەسەردا نایەت بە گۆڕانی سەرۆكەكان لە ئەمریكا”.

ئەمە لەکاتێکدایە چەند رۆژێک لەمەوبەر خامنەئی وتبووی: “گرنگی بە هەڵبژاردنی ئەمریکا نادەین”.

 

بەشی بکە لە
Previous Next
Close
Test Caption
Test Description goes like this