کۆرۆنا لە گەرمیان لە هەڵکشاندایە و هەڵمەتێکی خۆپارێزی دەستپێدەکات

0
502

SNN- سیروان حه‌سه‌ن 

له‌ سنوورى گه‌رمیان به‌هۆى زیادبوونى رێژه‌ى تووشبوون بە كۆرۆنا هه‌ڵمه‌تى وشیارى له‌ بازاڕ و مزگه‌وت و كۆڵان و شوێنه‌ گشتییه‌كان ده‌ستپێده‌كات.

هه‌ڤاڵ ئیبراهیم وته‌بێژى ئیداره‌ى گه‌رمیان بە SNNى راگه‌یاند؛ به‌ مه‌به‌ستى رێگریكردن له‌ بڵاوبوونه‌وه‌ى ڤایرۆسی كۆرۆنا له‌ وه‌رزى نوێ له‌ گه‌رمیان، لەمڕۆوە‌ ھەڵمەتێکی ھۆشیاریی بەرفراوان دەستپێدەکرێت.

وتیشى: “لە ھەڵمەتەکەدا تیمەکانی بەڕێوەبەرایەتی خۆپاراستنی تەندروستی و مەڵبەندە تەندروستییەکان بەشدارن و لە بازاڕ و کۆڵان و مزگەوتەکان رێنمایی و ھۆشیاریی پێویست لەبارەی کۆرۆنا و شێوازی خۆپاراستن بڵاو دەکەنەوە”.

ئه‌م هه‌ڵمه‌ته‌ دواى ئه‌وه‌ دێت رۆژی چوارشەممە سه‌رپەر‌شتیارى ئیداره‌ى گه‌رمیان له کۆبوونەوەی لایه‌نه‌ په‌یوه‌ندیداره‌كاندا باسى له‌ زیادبوونى رێژه‌ى تووشبوون به‌ ڤایرۆسی كۆرۆنا له‌ گه‌رمیان كرد و داواى كرد رێوشوێنى پێویست بگیرێته‌به‌ر، هاوكات بڕیاردراوه‌ له‌مه‌ودوا هاووڵاتییان ده‌بێت به‌ ده‌مامكه‌وه‌ سه‌ردانى بازاڕ و شوێنه‌ گشتییه‌كان بكه‌ن.

بەشی بکە لە
Previous Next
Close
Test Caption
Test Description goes like this