قایمقامی چەمچەماڵ لەبارەی تەقەکردن لە دادگای بەرایی قەزاکە روونکردنەوە دەدات

0
824

SNN-هەڵکەوت سەروەت

قایمقامی چەمچەماڵ دووپاتیکردەوە بەرەبەیانی ئەمڕۆ تەقە بە ئاڕاستەی دادگای بەرایی چەمچەماڵ کراوە و زیانی ماددی بەرکەوتووە.

ڕەمک ڕەمەزان لە لێدوانێکیدا بۆ SNN رایگەیاند: سەرلەبەیانی ئەمڕۆ لە پشتەوە بە ئاڕاستەی دادگای بەرایی چەمچەماڵ لەلایەن کەسێکەوە تەقەکراوە و بەوهۆیەوە چەند گولەیەک بەر بیناکە کەوتووە، هاوکات لە یەکێک لە ژوورەکان کە کاڵای هەڵگیراوی لێبووە ئاگرکەوتووەتەوە و زیانێکی کەمی بەرکەوتووە.

قایمقامی چەمچەماڵ رایگەیاندووە، لەدوای رووداوەکە هێزەکانی بەرگری شارستانی دەستبەجێ ئاگرەکەیان کۆنتڕۆڵکردووە و هێزەکانی ئاسایش دەستیان بەسەر 10 کامێرای چاودێریدا گرتووە و جۆری ئۆتۆمبێلی ئەو کەسەی کە تەقەی کردووە ناسراوەتەوە، بەڵام تۆمەتبارەکە تا ئێستا دەستگیرنەکراوە.

وتیشی: ماوەی مانگێکە ئەمە یەکەمجارە رووداوی تەقەکردن لە چەمچەماڵ روودەدات.

بەشی بکە لە
Previous Next
Close
Test Caption
Test Description goes like this